माद्यमिक विद्यालय पंचक्रोशी कोळवली येथे बोर्डाच्या परिक्षे संदर्भात तयारी मार्गदर्शन आणि करियर मार्गदर्शन संपन्न
MKCL आणि सुयश कॉम्प्युटर्स आबलोली यांचा स्तुत्य उपक्रम
गुहागर (प्रतिनीधी) ….
महाराष्ट्र ज्ञान महामंडळ मर्यादित म्हणजेच MKCL तर्फे मागील २४ वर्षांपासून महाराष्ट्रात संगणक साक्षरता व संगणकाद्वारे ज्ञानदानाचे कार्य करीत आहे. शहरी, निमशहरी व ग्रामीण भागातील विद्यार्थ्यांना, युवकांना व नागरिकांना या शैक्षणिक सुविधा विविध उपक्रम आणि अभ्यासक्रमाद्वारे दिल्या जातात. इयत्ता १० वीच्या मराठी, सेमी इंग्रजी आणि इंग्रजी माध्यमातील विद्यार्थ्यांसाठी एमकेसीएलकडून या वर्षी महाराष्ट्र बोर्डाच्या संपूर्ण अभ्यासक्रमावर आधारित ऑनलाईन टेस्ट सिरीज सर्व सेंटर्समध्ये उपलब्ध करून दिलेली आहे. तसेच विद्यार्थ्यांसाठी प्रत्येक विषयाच्या सराव प्रश्नपत्रिका व आदर्श उत्तरपत्रिकादेखील पीडीएफ स्वरूपात उपलब्ध करून दिल्या आहेत. आता शेवटच्या दोन महिन्यांमध्ये अभ्यास कसा करावा ? सराव कसा करावा ? प्रकृतीची काळजी कशी घ्यावी? घरातील वातावरण कसे ठेवावे ? वाचन आणि पाठांतर कधी करावे ? लिखाणाचा सराव कधी करावा ? अभ्यास करताना बैठक व्यवस्था कशी असावी ? याविषयी माहिती देणारा व्हिडिओ एमकेसीएलने तयार केला आहे. यासोबतच ‘उत्तरपत्रिका लिहिण्याचे कौशल्य’ या विषयावरील मार्गदर्शक व्हिडिओदेखील तयार केलेला आहे. यामध्ये प्रश्नाचे उत्तर नेमके कसे लिहायचे ? एका ओळीत किती शब्द लिहावेत ? प्रश्न कोणत्या क्रमाने सोडवावेत ? महत्वाच्या शब्दांना अधोरेखित करण्याचे किंवा बॉक्समध्ये लिहिण्याचे काय महत्व असते ? समास कसे आखावेत ? कोणत्या गोष्टींमध्ये वेळ वाया घालवू नये ? पेन कोणती वापरावी ? अशा विद्यार्थ्यांच्या मनातील प्रश्नांचीदेखील उत्तरे दिली आहेत.आजच्या डिजिटल जगात सायबरसुरक्षाला खूप महत्त्व आहे. सायबर सिक्युरिटी विषयावर माहितीसत्र आणि प्रेझेंटेशन तसेच बोर्डाच्या परीक्षेची तयारी संदर्भात मार्गदर्शन, करियर मार्गदर्शन कार्यक्रम माध्यमिक विद्यालय पंचक्रोशी कोळवली येथे सुयश कॉम्प्युटर च्या वतीने घेण्यात आला. यावेळी विद्यालयाचे मुख्याध्यापक श्री. पाटील महादेव यशवंत,शिक्षकवृंद
श्री.जाधव भानुदास लक्ष्मण
श्री .लवटे बाळासाहेब केराप्पा
श्रीम. वाघे नीलम शांताराम एमकेसीएल मार्फत श्री. विकास कदम सर तसेच सुयश कॉम्प्युटर्स आबलोलीचे संचालक श्री. संदेश साळवी आणि त्यांची संपूर्ण टिम व मोठ्या संख्येने विद्यार्थी उपस्थित होते.
Author: Sandesh Kadam
संदेश कदम, अबलोली. रत्नागिरी वार्ताहर. डिजिटल मिडिया गूहागर तालुका समन्वयक
