वंचितच्या विकास जाधव यांचा खोटारडेपणा उघड करा

वंचितच्या विकास जाधव यांचा खोटारडेपणा उघड करा

शिवसेना गुहागर तालुका उबाठा पक्षातर्फे पोलिसांना निवेदन

आबलोली (संदेश कदम)

वंचित बहुजन आघाडीचे जिल्हाध्यक्ष श्री. विकास उर्फ अण्णा जाधव यांनी भास्करशेठ जाधव यांच्यावर केलेले आरोप हे खोटे व त्यांची जाणीवपूर्वक बदनामी करणारे होते. निवडणूकीच्या पार्श्वभूमीवर उमेदवार असलेल्या आमदार भास्करशेठ जाधव यांचे नाव घेऊन बदनामी करुन त्यांच्या होणा-या मतदानावर कसा जाणिव पुर्वक परिणाम करता येईल असे कृत्य घडविले गेले आहे त्यामुळे विकास उर्फ अण्णा जाधव यांचा हा खोटारडेपणा जनतेसमोर जाहीरपणे उघड करा असे निवेदन गुहागर तालुका शिवसेना उद्धव बाळासाहेब ठाकरे पक्षाच्या वतीने नुकतेच गुहागर पोलीस ठाण्यात देण्यात आले आहे.

या निवेदनात असे म्हटले आहे की, विधानसभा निवडणुकीत विकास उर्फ अण्णा जाधव यांच्यावर जी हल्ल्याची घटना घडली त्यामुळे अण्णा जाधव यांनी हा हल्ला आमदार भास्करशेठ जाधव यांनीच घडवील्याचे बिनबुडाचे आरोप केले अण्णा जाधव यांनी जाहिरपणे सोशल मीडिया, इलेक्ट्रॉनिक मिडिया व सर्व प्रसार माध्यमाव्दारे संपूर्ण मतदारसंघ, जिल्ह्यासह महाराष्ट्रभर भास्करशेठ जाधव यांची बदनामी केली यामुळे आमच्या पक्षाचे व महाविकास आघाडीचे उमेदवार भास्करशेठ जाधव यांची जाणिव पुर्वक वारंवार नामोल्लेख करून बदनामी केली

यातून उमेदवार असलेल्या भास्करशेठ जाधव यांच्या मतदानावर परिणाम होणारे कृत्य अण्णा जाधव यांनी केले व त्यामुळेच आंम्हाला खूप त्रास झाला तरी आपण या प्रकरणातील दोघा आरोपींना नुकतीच अटक केलेली आहे तसेच या प्रकरणात आणखी काही जणांचा सहभाग आहे या सर्वांना तात्काळ अटक करुन या प्रकरणाचे खरे सत्य जनतेसमोर गुहागर पोलिसांनी आणावे असे निवेदन नुकतेच गुहागर तालुका शिवसेना उध्दव बाळासाहेब ठाकरे या राजकीय पक्षाचे तालुका प्रमुख सचिन बाईत माजी जि. प. सदस्य प्रविण ओक, माजी पंचायत समिती सदस्य रविंद्र आंबेकर, राज विखारे, सोहम सातार्डेकर, राजाराम गुहागरकर, सतिश शेटे, सानिका कनगुटकर, संगिता वराडकर, आदेश मोरे आदी. उपस्थित होते.

Author: Sandesh Kadam

संदेश कदम, अबलोली. रत्नागिरी वार्ताहर. डिजिटल मिडिया गूहागर तालुका समन्वयक