सेंद्रिय शेतीसाठी गांडूळ खत उपयुक्त… गांडूळ खत प्रक्रिया प्रशिक्षण आयोजित.
तळवली(मंगेश जाधव)…
गुहागर – TWJ फाऊंडेशन आणि फॅन्ड्री फाऊंडेशन यांच्या संयुक्त विद्यमाने दिनांक 14 डिसेंबर 2024 या दिवशी कौंढर ताम्हाणे या ठिकाणी गांडूळ खत निर्मिती प्रकल्प प्रशिक्षण आयोजित करण्यात आले. दुग्ध व्यवसाय करणाऱ्या शेतकऱ्यांनी फक्त दुधाचे उत्पन्न डोळ्यासमोर न ठेवता शेणाचा उपयोग करून गांडूळ खत निर्मितीकडे देखील उत्पन्नाचे साधन म्हणून बघितले पाहिजे हा उद्देश समोर ठेवून गांडूळ खत निर्मिती प्रशिक्षण आयोजित करण्यात आले.
या प्रशिक्षणाची सुरुवात गांडूळ खताचे शेतीमधील महत्त्व सांगून करण्यात आले. यामध्ये गांडूळ खताला मार्केट कसे आहे, किती दिवसात खत तयार होते, सुरुवातीला प्लॅस्टिक बेड वापरून आपण खत निर्मिती करू शकतो तो बेड कसा असतो आणि त्याला जागेवर कशा पद्धतीने उभा करायचा या विषयी सविस्तर माहिती देण्यात आली. त्यांनतर प्रत्यक्ष गांडूळ खत निर्मितीसाठी बेड उभा करून तो भरण्याचे प्रात्यक्षिक दाखविण्यात आले. या प्रात्यक्षिकामध्ये दुग्ध व्यवसायिक शेतकरी, तसेच फॅन्ड्री फाऊंडेशन च्या स्वयंसेवकांनी सहभाग घेऊन प्रक्रिया समजून घेतली. जवळपास 21 जणांनी या प्रशिक्षणाचा लाभ घेतला. या प्रशिक्षणासाठी फॅन्ड्री फाऊंडेशन संस्थेने गांडूळ खत निर्मितीसाठी बेड उपलब्ध करून दिले.
Author: Mangesh Jadhav
मंगेश जाधव - तळवली रत्नागिरी वार्ताहर - डिजिटल मिडिया प्रतिनिधी.
