बारामतीत भीमपुत्र आयडॉल सन्मानाचे आयोजन
नंदकुमार बगाडेपाटिल
आहिलयानगर.प्रतिनिधी.
बारामती – संविधान विचार मंच आणि आरोग्यदान परिवार यांच्या वतीने बारामतीत राज्यस्तरीय भीमपुत्र आयडॉल २०२५ या उपक्रमाचे आयोजन करण्यात आलेले आहे.
भीमपुत्र आयडॉल २०२५ हा राज्यस्तरीय पुरस्कार असून राज्यातील विविध क्षेत्रात उल्लेखनीय कामगिरी केलेल्या १२ व्यक्तिमत्वांचा सन्मान या उपक्रमाअंतर्गत केला जाणार आहे. या निमित्ताने या सर्वांच्या कार्याची माहिती देणारा विशेषांकही प्रकाशित केला जाणार आहे. यासोबतच या व्यक्तींच्या व्हिडिओ मुलाखती विविध समाजमाध्यमांव्दारे लोकांपर्यंत पोचविल्या जाणार आहेत. दि. ६ एप्रिल रोजी बारामतीत सन्मानसोहळ्याचे आयोजन केले जाणार असून यावेळी या बारा व्यक्तिमत्वांना भीमपुत्र आयडॉल २०२५ हे सन्मानचिन्ह देऊन गौरविण्यात येणार आहे.
भारतीय राज्यघटनेचे शिल्पकार डॉ. बाबासाहेब आंबेडकर यांच्या नावाने हा पुरस्कार दिला जाणार आहे. यावर्षीपासून दरवर्षी या उपक्रमाचे आयोजन केले जाणार आहे. या उपक्रमासाठी निवड समितीचे आयोजन करण्यात आले असून ही समिती पुरस्कारासाठी योग्य व्यक्तींची निवड करणार आहे. यासाठी योग्य व्यक्तींनी आपली माहिती पाठवावी तसेच या पुरस्कारासाठी योग्य वाटणाऱ्या व्यक्तींचीही माहिती पाठवावी असे आवाहन या उपक्रमाचे संयोजक राजेश कांबळे आणि घनश्याम केळकर यांनी केले आहे. अधिक माहितीसाठी ९११२२४००४५ किंवा ९८८१०९८१३८ या व्हाटसएप नंबरवर संपर्क साधावा.
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
