पालघर जिल्हा मल्लखांब पंचवर्ग विरार येथे संपन्न
विरार- ✒️ संदीप शेमणकर
पालघर जिल्हात मल्लखांब खेळाचा प्रचार व प्रसार व्हावा या अनुषंगाने घेण्यात आलेला एक उपक्रम.
पालघर जिल्हा मल्लखांब संघटना एस. बी. एस. ग्लोबल स्कूल व फिटनेस गेम यांच्या संयुक्त विद्यमाने रविवार दिनांक २३ फेब्रुवारी २०२५ रोजी.जिल्हा पंच वर्ग व परीक्षा आयोजित करण्यात आली. पालघर जिल्हा मल्लखांब संघटना अध्यक्ष सौ. उज्वलाताई डामसे यांच्याहस्ते उद्घाटन करण्यात आले. मुंबई उपनगर जिल्हा मल्लखांब संघटना मानद सचिव आशिष कुमार देवल व मुंबई शहर जिल्ह्याचे आंतरराष्ट्रीय पंच स्वप्निल खेसे यांनी उमेदवारांना योग्य असे मार्गदर्शन केले. तसेच पंच वर्गाच्या मदतीसाठी प्रथमेश सनगले, मुकेश वेलोंडे, अजिंक्य साळवी, किशोर म्हात्रे, ऋतुराज शिरोडकर, प्रांजल रेवणकर, सनिल चेऊलकर उपस्थित राहिले. या उपक्रमात एकूण २१ पंच उमेदवार सहभागी झाले. त्यांची नावे पुढील प्रमाणे.
अशिता नार्वेकर, हेमांगी पटेल, नेहा काते, स्नेहा काते, वैभवी राणे, हेमलता भोबू , प्राजक्ता लोहार, समिता तांडेल, योगिता मात्रे, रेश्मा फर्नांडिस, ध्वनि मेहता, ममता पारेख , दीपश्री पाटील, प्रांशु वर्तक, अनिकेत किरण माळी, किर्तेश कोलेकर, संतोष तुकाराम वारंगे, चेतन आंबेकर, समीप पाटील
या पंच वर्गासाठी पालघर जिल्हा मल्लखांब असोसिएशन सचिव हितेश सनगले तसेच फिटनेस गेम या संस्थेचे प्रमुख प्रशिक्षक जितू शर्मा यांनी पंच वर्ग आयोजित करण्यात अथक परिश्रम घेतले. याशिवाय एस बी एस ग्लोबल स्कूल यांनी पंच वर्गासाठी जागा, क्लास रूम उपलब्ध करून दिले.
संघटनेला असा विश्वास आहे की या पंच वर्गामुळे सहभागी उमेदवार मल्लखांब तांत्रिक पद्धतीने शिकतील आणि त्याचे महत्त्व जाणून घेतील. तसेच पालघर जिल्हात मल्लखांब खेळाला पुढे नेण्यासाठी वचनबद्ध राहतील. या पंचवर्ग व परीक्षेच्या उत्साहाबद्दल सर्वांचे मनःपूर्वक आभार व्यक्त करण्यात आले.
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
