राज्यस्तरीय ‘भीमपुत्र आयडॉल २०२५’साठी बारा मान्यवरांची निवड
बारामती : संविधान विचार मंच, बारामती यांच्या वतीने आयोजित राज्यस्तरीय ‘भीमपुत्र आयडॉल २०२५’ या उपक्रमासाठी विविध क्षेत्रातील बारा मान्यवरांची निवड करण्यात आली आहे. २० एप्रिल रोजी बारामती येथे या मान्यवरांना सन्मानित करण्यात येणार आहे.
या उपक्रमासाठी निवड झालेल्या व्यक्तींमध्ये विविध क्षेत्रातील उल्लेखनीय कार्य करणाऱ्या मान्यवरांचा समावेश आहे. त्यामध्ये—
- उद्योग क्षेत्र: मुंबई येथील प्रसिद्ध उद्योजिका कल्पना सरोज
- तंत्रज्ञान: आग्रा येथील कोडिंग मास्टर देवांश धनगर
- ऊर्जा क्षेत्र: वीज वितरण क्षेत्रातील आंतरराष्ट्रीय तज्ज्ञ मुरहरी केळे
- सामाजिक कार्य: अकलूजच्या सामाजिक कार्यकर्त्या स्वयंप्रभादेवी मोहिते पाटील
- बौद्ध विचारसरणी: आंतरराष्ट्रीय ख्यातीचे अभ्यासक, लखनौचे राजेश चंद्रा
- आंतरराष्ट्रीय सामाजिक कार्य: हैद्राबादचे कार्यकर्ते शेक चांद पाशा
- डिजिटल माध्यम: अहिल्यानगरच्या प्रसिद्ध युट्युबर आपली आजी (सुमन धामणे)
- अर्थशास्त्र: अहिल्यानगरचे चार्टर्ड अकाउंटंट शंकर अंदानी
- चित्रपट व सामाजिक प्रेरणा: “पाणी” चित्रपटाचे खरे नायक, नांदेडचे हनुमंत (बाबुराव) केंद्रे
- क्रीडा आणि वैद्यकीय क्षेत्र: भारताचे पहिले क्रीडा वैद्यकीय डॉक्टर, बारामतीचे डॉ. रोहन अकोलकर
- सामाजिक कार्य: नळदुर्गचे कार्यकर्ते मारुती बनसोडे
- उद्योग: जेजुरी येथील उद्योजक पांडुरंग सोनावणे
या मान्यवरांची निवड नोबेल पारितोषिक निवड समितीचे सदस्य डॉ. सुधीर तारे, ज्येष्ठ नागरिक संघ, महाराष्ट्र राज्याचे माजी अध्यक्ष माधव जोशी, पुणे विद्यापीठाच्या मानववंशशास्त्र विभागाच्या माजी प्रमुख प्रा. अंजली कुरणे आणि माजी सनदी अधिकारी डॉ. वेंकटसाई चेलसानी यांच्या मार्गदर्शनाखाली करण्यात आली.
यावेळी निवड झालेल्या सर्व मान्यवरांची माहिती देणाऱ्या पुस्तकाचे प्रकाशन होणार असून, त्यांच्या कार्याची ओळख करून देणाऱ्या मुलाखती सोशल मीडियावर प्रसिद्ध करण्यात येणार असल्याची माहिती संविधान विचार मंचाचे अध्यक्ष राजेश कांबळे आणि सचिव घनश्याम केळकर यांनी दिली.
२० एप्रिल रोजी होणाऱ्या या सोहळ्यास राज्यभरातील मान्यवर, अभ्यासक आणि सामाजिक कार्यकर्ते उपस्थित राहणार आहेत.
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
