एन्काऊंटर थरार! अमोल खोतकरला मध्यरात्री पोलिसांचा शूटआउट
छत्रपती संभाजीनगरमध्ये दरोडेखोराशी थरारक चकमक; 6 कोटींच्या दरोड्याचा सूत्रधार ठार
छत्रपती संभाजीनगर | प्रतिनिधी : शहराजवळील वडगाव कोल्हाटी परिसरात मध्यरात्री खळबळजनक घटना घडली. 6 कोटींच्या दरोड्याचा सूत्रधार अमोल खोतकर याचा पोलिसांशी झालेल्या चकमकीत एन्काऊंटर झाला. या कारवाईने शहरात एकच खळबळ उडाली आहे.
काय घडलं नेमकं?
बजाजनगरमधील उद्योजक संतोष लड्डा यांच्या बंगल्यावर 15 मे रोजी पहाटेच्या सुमारास 6 दरोडेखोरांनी धाडसी दरोडा टाकून सुमारे 5.5 किलो सोने व 32 किलो चांदी असा 6 कोटींचा ऐवज लंपास केला होता. तेव्हा लड्डा हे अमेरिकेत होते, आणि केअरटेकर संजय झळके उपस्थित होता.
या प्रकरणाचा तपास वाळूज एमआयडीसी पोलीस ठाणे आणि गुन्हे शाखेच्या संयुक्त पथकांकडून सुरु होता. तपासादरम्यान पाच आरोपींना अटक करण्यात आली होती, मात्र मुख्य सूत्रधार अमोल खोतकर फरार होता.
चकमकीचा थरार
गुप्त माहितीच्या आधारे पोलिसांनी वडगाव कोल्हाटीतील कचरापट्टी भागात अमोल खोतकर लपल्याचे शोधून काढले. मध्यरात्री पोलिसांनी गराडा घातल्यावर त्याने पळ काढण्याचा प्रयत्न केला आणि गोळीबार करत पोलिसांच्या अंगावर गाडी घालण्याचा प्रयत्न केला.
प्रत्युत्तरादाखल पोलिसांनी केलेल्या गोळीबारात अमोल खोतकर जागीच ठार झाला.
या कारवाईमुळे राज्यभर गाजलेला 6 कोटींचा दरोडा प्रकरणातील मुख्य आरोपी कायमचा संपला असून, पोलिसांचा तपास निर्णायक टप्प्यावर आला आहे.
—
???? #हॅशटॅग्स
#एन्काऊंटर #AmolKhotkar #AurangabadCrime #छत्रपतीसंभाजीनगर #PoliceAction #6कोटींचादरोडा #BreakingNews #EncounterNews #CrimeNews #RatnagiriVartahar
—
????
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
