सर्पमित्रांना ‘फ्रंटलाइन वर्कर’ दर्जा आणि १० लाखांचा विमा: राज्य सरकारचा महत्त्वपूर्ण निर्णय
ओळखपत्रामुळे सर्पमित्रांच्या कामाला मिळणार अधिकृत मान्यता; सुरक्षितता वाढणार
नवी मुंबई (मंगेश जाधव वेळबंकर):
विषारी सापांना पकडून आपला जीव धोक्यात घालणाऱ्या सर्पमित्रांना आता राज्य सरकार मोठा दिलासा देणार आहे. त्यांना लवकरच अधिकृत ओळखपत्र, १० लाखांचा अपघात विमा आणि ‘फ्रंटलाइन वर्कर’चा दर्जा मिळणार आहे. महसूलमंत्री चंद्रशेखर बावनकुळे यांनी याबाबत मुख्यमंत्री देवेंद्र फडणवीस यांच्याकडे शिफारस केली आहे.
ग्रामीण भागात वन्यजीव आणि मानवी संघर्ष कमी करण्याच्या दृष्टीने आणि विशेषतः सापांचा धोका टाळण्यासाठी सर्पमित्र मोलाची कामगिरी बजावतात. त्यांच्या या सेवांचा आदर करण्यासाठी हा महत्त्वाकांक्षी उपक्रम सुरू करण्यात येत आहे. सरकारी अधिकाऱ्यांनी सुरुवातीपासूनच या उपक्रमाची शिफारस केली होती, ज्यात सर्पमित्रांना ‘अत्यावश्यक सेवा’ आणि ‘फ्रंटलाइन वर्कर’चा दर्जा देण्याचा समावेश आहे, अशी माहिती महसूलमंत्री चंद्रशेखर बावनकुळे यांनी दिली.
बावनकुळे म्हणाले की, “या शिफारशीमुळे सर्पमित्रांना अधिकृत आणि मान्यताप्राप्त दर्जा प्राप्त होईल, ज्यामुळे त्यांच्या सामाजिक आणि आर्थिक सुरक्षेची खात्री होईल.” अनेकदा सर्पमित्र अत्यंत जोखमीचे काम करत असतात आणि साप पकडताना त्यांच्या जीवाला धोका निर्माण होण्याची शक्यता असते. अशा परिस्थितीत त्यांना आर्थिक संरक्षण मिळणे अत्यंत आवश्यक आहे. या निर्णयामुळे सर्पमित्रांच्या कामाला प्रोत्साहन मिळणार असून त्यांना सुरक्षितपणे काम करण्यास मदत देखील होणार आहे.
#सर्पमित्र #SnakeRescuers #FrontlineWorker #महाराष्ट्रशासन #AccidentInsurance #अपघातविमा #वन्यजीवसंरक्षण #WildlifeProtection #सामाजिकसुरक्षा #SocialSecurity #ChandrashekharBawankule #DevendraFad
navis
Author: RV. Reporters
Guhagar Office .. * Ratnagiri vartahar Digital News * ..
