ठाकरे ब्रँड आम्ही बंद करणार! – भाजप आमदार प्रसाद लाड यांचा हल्लाबोल

“ठाकरे ब्रँड आम्ही बंद करणार! – भाजप आमदार प्रसाद लाड यांचा हल्लाबोल

मुंबईतील दि बेस्ट एम्प्लॉईज को-ऑप. क्रेडिट सोसायटीच्या निवडणुकीत शिवसेना (ठाकरे गट) व मनसेची युती; पहिल्याच निवडणुकीत पराभव होईल असा विश्वास लाड यांचा

मुंबई –

मुंबईतील दि बेस्ट एम्प्लॉईज को-ऑपरेटिव्ह क्रेडिट सोसायटीच्या निवडणुकीत शिवसेना (ठाकरे गट) आणि महाराष्ट्र नवनिर्माण सेनेने हातमिळवणी केली आहे. या घडामोडीवरून भाजप आमदार प्रसाद लाड (Prasad Lad) यांनी जोरदार हल्लाबोल केला.

“लोकांचा विश्वास, लोकांची गर्दी या ब्रँडला बंद करायच्या तयारीला लागली आहे. स्वदेशी माल चालणार आहे. ठाकरे ब्रँड आम्ही पहिल्याच निवडणुकीत बंद करणार,” असा टोला लाड यांनी लगावला.

लाड पुढे म्हणाले की, “राज ठाकरे यांना या निवडणुकीबद्दल कल्पनाही नसावी, पण उद्धव ठाकरे ब्रँड ब्रँड करत आहेत. सत्ता आल्यावर आदित्य ठाकरे म्हणाले होते ‘मनसे कोण?’, पण आता उद्धव ठाकरे त्यांच्या पाया पडायला जात आहेत.”

आपल्या पॅनलमध्ये सर्वसामान्य जनता आहे असे सांगत लाड यांनी सहकार क्षेत्रात राजकारण आणू नये असे मत व्यक्त केले. “20-25 वर्षे सत्ता होती, पण काय केलं? चार कोटींचं कार्यालय 24 कोटींना घेतलं. भ्रष्टाचाराचा हिशोब द्यावा लागेल,” असा गंभीर सवाल लाड यांनी उपस्थित केला.

यावर पोलिसांनी नोटीसही काढली असल्याचे लाड यांनी स्पष्ट केले.

🔖 हॅशटॅग :

#PrasadLad #UddhavThackeray #RajThackeray #ShivSena #MNS #BJP #MumbaiPolitics #CooperativeSociety #PoliticalNews

📷 फोटो

—

Author: RV. Reporters

Guhagar Office .. * Ratnagiri vartahar Digital News * ..