🌧️ सर्वच विभागांत मुसळधार; विदर्भात चौघांचा, मराठवाड्यात दोघांचा मृत्यू!
पावसाने राज्यात हाहाःकार; नद्या तुडुंब, घरांची पडझड, शेतपिकांचे मोठे नुकसान
गेल्या दोन दिवसांपासून राज्यभर कोसळणाऱ्या मुसळधार पावसाने विदर्भ, मराठवाडा, खानदेश व कोकणात हाहाःकार माजवला आहे.
विदर्भात अतिवृष्टीमुळे चार जणांचा मृत्यू झाला, तर मराठवाड्यात भिंत कोसळून दोन जणांचा बळी गेला. अनेक जिल्ह्यांत पूरसदृश स्थिती असून धरणे तुडुंब भरली आहेत.
🌩️ विदर्भात पूरस्थिती, चौघांचा मृत्यू
नागपूर, अमरावती, अकोला, बुलढाणा, भंडारा, यवतमाळ आदी जिल्ह्यांत मुसळधार पावसाचा जोर आहे.
बुलढाणा येथे वीज कोसळून एका महिलेचा मृत्यू, तीन महिला जखमी.
भंडाऱ्यात गुराख्याचा मृत्यू.
यवतमाळ जिल्ह्यातील घाटंजीत शेतमजुराचा मृत्यू.
अर्जुन उईके (६६, बाभुळगाव) हे नदीच्या पाण्यात वाहून गेले.
🌊 मराठवाड्यात भिंती कोसळल्या; तीन मृत्यू
धाराशिव जिल्ह्यात मांजरा नदीच्या पुरात शेतकरी सुबराव लांडगे वाहून गेले.
भिंत कोसळून शेख नासेर आमीन व हसिना बेगम शेख या दाम्पत्याचा मृत्यू झाला.
नांदेड जिल्ह्यातील किनवट तालुक्यात प्रेमसिंग पवार हे शाळेचे वाहन चालवत असताना पुराच्या पाण्यात वाहून गेले.
🌧️ जळगाव जिल्ह्यात आठ तालुक्यांत अतिवृष्टी
एरंडोल, पारोळा, चाळीसगाव, जामनेर, पाचोरा, भडगाव, धरणगाव आणि रावेर येथे मुसळधार पाऊस झाला. अनेक घरांची पडझड झाली. पालकमंत्री गुलाबराव पाटील यांच्या पाळधी गावातही पुराचे पाणी शिरले. महसूल विभागाला पंचनाम्याचे आदेश देण्यात आले.
🌧️ कोकणात नद्या तुडुंब, रायगड-रत्नागिरीला झोडपले
रायगड जिल्ह्यातील अंबा नदी धोक्याच्या पातळीवरून वाहत असून कुंडलिका नदीलाही पूर आला आहे. भीरा जलविद्युत प्रकल्पाचे तीन दरवाजे उघडावे लागले.
रत्नागिरी जिल्ह्यात दापोली, खेड, चिपळूण, संगमेश्वर भागात मुसळधार पावसाने दैनंदिन जीवन विस्कळीत केले. संगमेश्वर माखजन बाजारपेठेत पाणी शिरल्याने व्यापाऱ्यांचे मोठे नुकसान झाले.
☔ पुढील चार दिवस पावसाचा अंदाज
हवामान विभागाने पुण्यासह संपूर्ण महाराष्ट्रात २० ऑगस्टपर्यंत मध्यम ते जोरदार पावसाचा इशारा दिला आहे. पुणे जिल्ह्यातील घाटमाथा, मुंबई, कोकण व पश्चिम महाराष्ट्रात मुसळधार सरींचा जोर कायम राहणार आहे.
—
🔖 हॅशटॅग
#MaharashtraRain #VidarbhaFloods #MarathwadaHeavyRain #KonkanFloods #JalgaonRain #RatnagiriRain #RaigadFlood #Monsoon2025
—
📸 फोटो
Author: RV. Reporters
Guhagar Office .. * Ratnagiri vartahar Digital News * ..
