🌟 दापोलीच्या श्रुती साखळकरला मुंबई विद्यापीठाच्या वक्तृत्व स्पर्धेत सुवर्णपदक 🌟
‘भारताला ५ ट्रिलियन डॉलर अर्थव्यवस्था बनविण्यात तरुणाईची भूमिका’ या विषयावर केले प्रभावी सादरीकरण
दापोली : मुंबई विद्यापीठाच्या विद्यार्थी भवन, चर्चगेट, मुंबई येथे ९ सप्टेंबर २०२५ रोजी पार पडलेल्या वक्तृत्व-गट अ (मराठी) स्पर्धेच्या अंतिम फेरीत दापोली एज्युकेशन सोसायटीच्या दापोली अर्बन बँक सीनियर सायन्स कॉलेजमधील टी.वाय.बी.कॉम.च्या विद्यार्थिनी श्रुती चंद्रशेखर साखळकर हिने सुवर्णपदक पटकावत दापोलीचा मान उंचावला.
२५ ऑगस्ट रोजी खेड येथे पार पडलेल्या झोनल फेरीतून मुंबई विद्यापीठाच्या १२ झोनमधील ४४ विद्यार्थ्यांची अंतिम फेरीसाठी निवड झाली होती. अंतिम फेरीसाठी ‘भारताला ५ ट्रिलियन डॉलर अर्थव्यवस्था बनविण्यामध्ये व विकसित भारताचे स्वप्न साकारण्यामध्ये तरुणाईची भूमिका’ हा विषय होता. या विषयावर श्रुतीने केलेल्या प्रभावी मांडणीमुळे तिने सुवर्णपदकावर आपले नाव कोरले.
या यशामागे प्रा. कैलास गांधी (सांस्कृतिक समन्वयक), प्रा. संतोष मराठे, प्रा. तेजस मेहता (साहित्य विभाग समन्वयक) यांचे मार्गदर्शन लाभले. तसेच प्रा. स्वाती देपोलकर आणि प्रा. जान्हवी दिवेकर यांनी संघ समन्वयक म्हणून मोलाची भूमिका बजावली.
श्रुतीच्या कामगिरीबद्दल दापोली एज्युकेशन सोसायटीचे चेअरमन डॉ. प्रसाद करमरकर, महाविद्यालयाचे प्राचार्य डॉ. संदेश जगदाळे आणि उपप्राचार्य डॉ. घनशाम साठे यांनी तिचे मनःपूर्वक अभिनंदन केले.
—
📸 फोटो
—
🔖 हॅशटॅग्स :
#Dapoli #MumbaiUniversity #SpeechCompetition #GoldMedal #StudentAchievement #ShrutiSakhalkar #DapoliEducationSociety
Author: Ratnagiri Vartahar
⭕ मुख्य संपादक - सुजेंद्र सुर्वे , रत्नागिरी वार्ताहर *डिजीटल मिडिया बातमी पत्र* ◀️ Digital Media Creator's ▶️
