ग्रामसभेत प्रशांत वारीशे यांची महात्मा गांधी तंटामुक्त समितीच्या अध्यक्षपदी बिनविरोध निवड

August 28, 2026
11:43 am
Post Views: 67

बेनी बुद्रुक ग्रामसभेत सर्वानुमते निर्णय; गावातील शांतता, सलोखा आणि वाद सामोपचाराने सोडवण्याला प्राधान्य

लांजा (प्रतिनिधी – जितेंद्र चव्हाण) :

लांजा तालुक्यातील बेनी बुद्रुक येथे आयोजित विशेष ग्रामसभेत तरुण, तडफदार नेतृत्व आणि सुशिक्षित व्यक्तिमत्व असलेले सामाजिक कार्यकर्ते प्रशांत विठ्ठल वारीशे यांची महात्मा गांधी तंटामुक्त समिती, बेनी बुद्रुकच्या अध्यक्षपदी सर्वानुमते बिनविरोध निवड करण्यात आली.

दि. २० ऑगस्ट २०२६ रोजी बेनी बुद्रुक येथे विशेष ग्रामसभेचे आयोजन करण्यात आले होते. या ग्रामसभेत गावातील विविध विकासकामांसह सामाजिक विषयांवर चर्चा करण्यात आली. यावेळी महात्मा गांधी तंटामुक्त समितीच्या अध्यक्षपदासाठी सामाजिक कार्यकर्ते प्रशांत विठ्ठल वारीशे यांच्या नावाचा प्रस्ताव मांडण्यात आला.

प्रशांत वारीशे यांच्या सामाजिक क्षेत्रातील कार्याची तसेच त्यांचे अभ्यासू व सुशिक्षित व्यक्तिमत्व आणि सर्वांना सोबत घेऊन जाण्याच्या नेतृत्वगुणांची दखल घेत ग्रामस्थांनी त्यांच्या नावाला उत्स्फूर्त पाठिंबा दिला. त्यानंतर त्यांची अध्यक्षपदी बिनविरोध निवड करण्यात आली.

निवडीनंतर प्रतिक्रिया व्यक्त करताना नवनिर्वाचित अध्यक्ष प्रशांत वारीशे म्हणाले, “ग्रामस्थांनी माझ्यावर दाखवलेला विश्वास मी सार्थ ठरवेन. गावातील शांतता, सुव्यवस्था आणि सलोख्याचे वातावरण टिकवून ठेवण्यासोबतच लहान-मोठे वाद आपापसात सामोपचाराने सोडवण्याला माझे प्राधान्य असेल. बेनी बुद्रुक गाव खऱ्या अर्थाने तंटामुक्त ठेवण्यासाठी सर्वांना सोबत घेऊन काम करेन.”

प्रशांत वारीशे यांच्या निवडीबद्दल गावातील ज्येष्ठ नागरिक, युवक, महिला तसेच विविध क्षेत्रांतील मान्यवरांनी त्यांचे अभिनंदन केले. तसेच त्यांच्या पुढील सामाजिक वाटचालीस शुभेच्छा दिल्या.

SEO Keywords: प्रशांत वारीशे, महात्मा गांधी तंटामुक्त समिती, बेनी बुद्रुक, लांजा बातमी, ग्रामसभा, प्रशांत विठ्ठल वारीशे, तंटामुक्त समिती अध्यक्ष, लांजा तालुका