शासनाची इमारत पाडली बेकायदेशीर पाडली , संबंधितावर कायदेशीर गुन्हा दाखल व्हावा, उपोषणकर्त्यांची मागणी…..
गुहागर – ( वार्ताहर) – शासनाची इमारत पाडली बेकायदेशीर पाडली , संबंधितावर कायदेशीर गुन्हा दाखल व्हावा, उपोषणकर्त्यांची मागणी केली आहे.
गुहागर तालुक्यातील मासू ग्रामपंचायतच्या सरपंचांबाबत वारंवार तक्रारी करूनही सरपंचांमध्ये बदल होत नसल्याने येथील ग्रामस्थांनी कायदेशीर पद्धतीने मासू येथील ग्रामपंचायत कार्यालयाजवळ उपोषण केले. तसेच ग्रामपंचायत इमारत सुस्थितीत असताना पाडण्यात आली. सदर इमारत निर्लेखित करताना म्हणजेच शासनाची इमारत पाडण्याची कोणतीही परवानगी न घेता इमारत तोडली. त्यांच्यावर कायदेशीर गुन्हा दाखल करावा, अशी उपोषणकर्त्यांची मागणी आहे.
ग्रामपंचायत इमारत मंजूर करणे कामी सदरचा प्रस्ताव हा खोटी कागदपत्र जोडून केलेला आहे. अस्तित्वात असलेल्या ग्रामपंचायत जागेचे बक्षीसपत्र नसताना जि. प. मासू शाळा नं. ३ शाळेच्या जागेचे बक्षीसपत्र जोडून शासनाची फसवणूक केलेली आहे. तरी सदर शासनाची व ग्रामस्थांची फसवणूक करणारे तत्कालीन ग्रामसेवक व सध्याचे ग्रामसेवक, गटविकास अधिकारी पंचायत समिती गुहागर यांचेवर कायदेशीर कारवाई करून त्यांचे तत्काळ निलंबन करावे, त्यांनी मुख्यकार्यकारी अधिकारी व जिल्हाधिकारी रत्नागिरी तसेच शासनाची फसवणूक केलेली आहे. त्याचे संदर्भीय पुरावे उपलब्ध असल्याचे उपोषणकर्त्यांनी सांगितले. संबंधित ग्रामपंचायतीच्या ठेकेदारांनी ग्रामपंचायत तोडण्याची परवानगी नसताना तसेच निर्लेखनाची कोणतीही परवानगी नसताना इमारत तोडली आहे. त्यामुळे सदर इमारत पूर्वस्थितीत बांधून द्यावी, व त्यांची ती विनाकारण तोडली म्हणून त्यांच्यावर योग्य कारवाई करावी व हे सगळे बेकायदेशीर असताना ग्रामपंचायत मंजूर इमारत असलेल्या निधीतून कोणताही ग्रामपंचायत ठराव नसताना सुमारे २ लाख रुपये बेकायदेशीररित्या खर्च केले. सदर खर्च करणारे अधिकारी व अभियंता यांचेकडून वसूल करावी तसेच त्यांचेवर कारवाई करावी, सदर इमारत प्रस्तावित असलेल्या जागेवर मासू बौद्धवाडी येथे बांधण्यात यावी. या इमारतीचा पाया पूर्ण झाला असून सुमारे दोन लाख रुपये यावर खर्च केले आहेत. या जागेचे बक्षीस पत्रही झालेले नसून शाळेजवळील दुसर्या जागेचे बक्षिसपत्राला जोडले आहेत. वस्तीपासून इमारत लांब असल्याने येथील ग्रामस्थांना याचा मनस्ताप होणार आहे, असेही उपोषणकर्त्यांचे म्हणणे आहे.
Author: Ratnagiri Vartahar
⭕ मुख्य संपादक - सुजेंद्र सुर्वे , रत्नागिरी वार्ताहर *डिजीटल मिडिया बातमी पत्र* ◀️ Digital Media Creator's ▶️
