तळवली हायस्कूल व कनिष्ठ महाविद्यालयात 75 वा भारतीय संविधान दिन उत्साहात साजरा….
तळवली (मंगेश जाधव).
पाटपन्हाळे एज्युकेशन सोसायटीचे न्यू इंग्लिश स्कूल व कनिष्ठ महाविद्यालय तळवली ता. गुहागर जि. रत्नागिरी येथे दि. 26 नोव्हेंबर 2024 रोजी 75 वा भारतीय संविधान दिन मोठ्या उत्साहात साजरा करण्यात आला.
प्रारंभी प्रशालेचे मुख्याध्यापक मा. एम. ए. थरकार सर यांच्या हस्ते संविधानाच्या प्रास्ताविकेच्या प्रतिमेस पुष्पहार अर्पण करण्यात आला. तर भारतीय संविधानाचे शिल्पकार डॉ. बाबासाहेब आंबेडकर यांच्या प्रतिमेस जेष्ठ शिक्षक श्री. पी. व्ही.साळुंके सर यांच्या हस्ते पुष्पहार अर्पण करण्यात आला.तसेच इतर सर्व सहकारी शिक्षक बंधूभगिनी पुष्प वाहुन अभिवादन केले.
सांस्कृतिक विभाग प्रमुख श्री.श्रीनाथ कुळे सर यांनी प्रारंभी आपल्या प्रस्ताविकेतून अमृतमहोत्सवी संविधान दिनाचे महत्त्व स्पष्ट करून कार्यक्रमाचे स्वरूप स्पष्ट केले.त्यानंतर इयत्ता दहावीची विद्यार्थीनी कु. माही मयेकर हिने भारतीय संविधानातील प्रास्ताविकेचे वाचन केले. त्यावेळी सर्व विद्यार्थ्यांनीही पाठोपाठ वाचन केले.त्यानंतर मुख्याध्यापक श्री. एम. ए. थरकार सर यांनी भारतीय संविधानाची निर्मिती कशी झाली,डॉ.बाबासाहेब आंबेडकर यांचे योगदान, त्यातील मुलभूत हक्क, अधिकार व कर्तव्ये, भारतीय समाज व स्त्रीयांसाठी केलेले कार्य या विषयी विद्यार्थ्यांना माहिती देऊन भारतीय संविधान म्हणजे आपला श्वास आहे, त्याची जपणूक केली पाहिजे प्रत्येकांनी त्याचा आदर राखला पाहिजे. संविधानाचा अभ्यास करून समाजात जागृती केली पाहिजे,असे आवाहन केले.*
*प्रशालेचे कला शिक्षक श्री. श्रीनाथ कुळे सर यांनी भारतीय संविधान दिनाचे औचित्य साधून सुंदर असे फलक लेखन केले होते. या कार्यक्रमाचे ते एक विशेष आकर्षण होते. त्याबद्दल त्यांचे सर्वत्र कौतुक होत होते.*
*अमृतमहोत्सवी भारतीय संविधान दिनानिमित्त समाज जागृतीचा एक भाग म्हणून विद्यार्थ्यांची भव्यदिव्य अशी प्रभातफेरी काढण्यात आली. यावेळी विद्यार्थ्यांनी मोठमोठ्याने जयघोष करत मोठ्या उत्साहात सहभाग दर्शवला. भारतीय संविधान चिरायू होवो, बाबासाहेबांचे योगदान… भारतीय संविधान,संविधान दिनाचा विजय असो,भारत माझी माऊली… संविधान त्याची सावली, संविधानाचा सन्मान… हाच आमचा अभिमान. या सारख्या घोषणा देऊन परिसर दणाणून सोडले.*
*प्रभात फेरी परत आल्यानंतर पुन्हा सर्व विद्यार्थ्यांना एकत्रित करून… संविधान दिनाविषयी माहिती दिली. या सर्व कार्यक्रमाचे नियोजन श्री. कुळे सर, जेष्ठ शिक्षक श्री साळुंके सर,श्री.बागल सर,श्री.केळस्कर सर, श्री.गवळी सर, सौ.नाईक मॅडम, सौ. कांबळे मॅडम, कु सावंत मॅडम शिक्षकेत्तर कर्मचारी श्री. अक्षय चव्हाण,श्री.प्रणय आरोलकर व इतर सहकारी यांनी केले होते. या कार्यक्रमात व प्रभात फेरीमध्ये प्रशालेतील इयत्ता पाचवी ते बारावी पर्यंतचे सर्व विद्यार्थी,शिक्षक व शिक्षकेत्तर कर्मचारी सहभागी झाले होते. शेवटी सांस्कृतिक विभाग प्रमुख श्री.श्रीनाथ कुळे सर यांनी सर्वांचे आभार मानून कार्यक्रमाची सांगता केली.
???? Plz Join whatsup group
https://chat.whatsapp.com/L2mwcucEQKdBtE5N3lmPrv ????????
Author: Mangesh Jadhav
मंगेश जाधव - तळवली रत्नागिरी वार्ताहर - डिजिटल मिडिया प्रतिनिधी.
