चंद्रकांत बाईत विद्यालय व कनिष्ठ महाविद्यालय आबलोली येथे क्रांतीज्योती सावित्रीबाई फुले जयंती जल्लोषात साजरी

चंद्रकांत बाईत विद्यालय व कनिष्ठ महाविद्यालय आबलोली येथे क्रांतीज्योती सावित्रीबाई फुले जयंती जल्लोषात साजरी

आबलोली (संदेश कदम) 

गुहागर तालुक्यातील आबलोली येथील चंद्रकांत बाईत विद्यालय व कनिष्ठ महाविद्यालय आबलोली या विद्यालयात क्रांतीज्योती सावित्रीबाई फुले जयंती जल्लोषात साजरी करण्यात आली. यावेळी विद्यालयाचे मुख्याध्यापक श्री.डी.डि.गिरी यांच्या हस्ते क्रांती ज्योती सावित्रीबाई फुले यांच्या प्रतिमेचे पूजन करून प्रतिमेला पुष्पहार अर्पण करण्यात आला त्यानंतर इयत्ता सहावी ते आठवीतील विद्यार्थिनींनी क्रांतीज्योती सावित्रीबाई फुले यांच्या जीवनावर आधारित गीत सादर केले आणि इयत्ता पाचवी ते सातवीतील विद्यार्थ्यांनी सावित्रीबाईंच्या जीवनावर आपली मनोगते व्यक्त केली. संपूर्ण कार्यक्रमाचे नियोजन सांस्कृतिक विभाग प्रमुख सौ.श्वेता कदम यांनी केले, तर सूत्रसंचालन इयत्ता नववीतील विद्यार्थिनी कुमारी पद्मश्री वैद्य हिने केले.श्री. एन. पी.जगताप सर यांनी सावित्रीबाईंच्या कार्याची विद्यार्थ्यांना ओळख करून दिली, विद्यार्थिनींनी सावित्रीबाईंच्या आदर्श तत्वांचा अंगीकार करावा असे प्रतिपादन अध्यक्षीय भाषणात मुख्याध्यापक श्री.डि.डी.गिरी यांनी व्यक्त केले.यावेळी श्री.दिनेश नेटके यांनी सर्वांचे आभार व्यक्त केले व त्यानंतर कार्यक्रमाची सांगता करण्यात आली.

Author: Sandesh Kadam

संदेश कदम, अबलोली. रत्नागिरी वार्ताहर. डिजिटल मिडिया गूहागर तालुका समन्वयक