मोटार वाहन निरीक्षकांचे तालुका शिबीर – मार्च 2025 दौरा कार्यक्रम जाहीर
नागरिकांनी नियोजित तारखांना उपस्थित राहण्याचे आवाहन
रत्नागिरी – जिल्ह्यातील वाहनधारकांसाठी आणि वाहनचालकांसाठी महत्त्वाची माहिती! उप प्रादेशिक परिवहन अधिकारी कार्यालयातील मोटार वाहन निरीक्षकांचा मार्च 2025 महिन्यासाठी तालुका शिबीर दौरा कार्यक्रम जाहीर करण्यात आला आहे. या शिबिरांमध्ये वाहन तपासणी, परवाने आणि विविध मोटार वाहन संबंधित सेवा दिल्या जाणार आहेत.
शिबीर दौरा कार्यक्रम पुढीलप्रमाणे:
- चिपळूण – 4 मार्च, 11 मार्च, 18 मार्च, 25 मार्च
- खेड – 6 मार्च, 20 मार्च
- दापोली – 5 मार्च, 19 मार्च
- मंडणगड – 7 मार्च
- गुहागर – 21 मार्च
- देवरुख – 26 मार्च
- लांजा – 27 मार्च
- राजापूर – 28 मार्च
वाहनधारकांसाठी सुवर्णसंधी
मोटार वाहन निरीक्षकांच्या या तालुका शिबिरांमध्ये नागरिकांना त्यांच्या वाहनासंबंधी विविध सेवांचा लाभ घेता येणार आहे. यामध्ये वाहन तपासणी, ड्रायव्हिंग लायसन्स नूतनीकरण, नवीन परवाने, वाहतुकीसंबंधी नियम व मार्गदर्शन यांचा समावेश असेल.
सहायक प्रादेशिक परिवहन अधिकारी अजित ताम्हणकर यांनी नागरिकांनी या शिबिरांचा लाभ घ्यावा आणि आपल्या गरजेच्या तारखांना उपस्थित राहावे, असे आवाहन केले आहे.
तालुका स्तरावरील सेवा नागरिकांसाठी उपयुक्त
तालुका स्तरावरच मोटार वाहन सेवांसाठी शिबिरे आयोजित केल्याने नागरिकांना जिल्हा परिवहन कार्यालयात वारंवार जाण्याची गरज भासणार नाही. यामुळे वेळ आणि खर्च दोन्हीची बचत होणार आहे.
नागरिकांनी नियोजित तारखांची नोंद घ्यावी आणि आवश्यक कागदपत्रांसह आपल्या तालुक्यातील शिबिरात उपस्थित राहून सेवा घ्यावी.
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
