रत्नागिरी शहरातील समस्या सोडवण्यासाठी भाजपाची नगरपरिषद प्रशासनाशी चर्चा
रत्नागिरी, ५ मार्च: रत्नागिरी शहरातील प्रलंबित समस्या सोडवण्यासाठी भारतीय जनता पार्टीच्या पदाधिकाऱ्यांनी रत्नागिरी नगरपरिषद प्रशासनाची भेट घेऊन चर्चा केली. जिल्हाध्यक्ष राजेश सावंत आणि शहराध्यक्ष राजेंद्र फाळके यांच्या प्रमुख उपस्थितीत हा संवाद झाला.
शिमगोत्सवासाठी शहरातील व्यवस्था सुधारण्याची मागणी
शहरात शिमगोत्सव उत्सवाच्या पार्श्वभूमीवर पालखी मार्ग सुस्थितीत राहावा यासाठी रस्त्यांची तातडीने दुरुस्ती करावी, तसेच पथदिवे आणि स्वच्छतेची विशेष व्यवस्था करण्यात यावी, अशी मागणी यावेळी करण्यात आली. रत्नागिरीचे श्रद्धास्थान देवभैरीच्या भेटीसाठी येणाऱ्या पालख्यांसाठी मार्ग सुटसुटीत व सुरक्षित ठेवण्यावर भर देण्यात आला.
साळवी स्टॉप कचरा डेपो समस्येवर तोडगा काढण्याची मागणी
साळवी स्टॉप येथील कचरा डेपोवर वारंवार आग लावली जाते, यामुळे स्थानिक नागरिकांना धुराचा त्रास होत आहे. या समस्येवर उपाययोजना करण्यासाठी नगरपरिषदेचा घनकचरा प्रकल्प तातडीने सुरू करण्याची मागणी भाजपाने केली.
उनाड कुत्र्यांचा त्रास आणि डासप्रादुर्भावावर उपाययोजना
प्रभाग क्रमांक ६ मधील नागरिकांच्या तक्रारीनुसार उनाड कुत्र्यांचा त्रास आणि डासप्रादुर्भावावर त्वरित उपाययोजना करावी अशी मागणी भाजपाच्या कार्यकर्त्यांनी केली. दामले विद्यालय परिसरातही विद्यार्थ्यांमध्ये भीतीचे वातावरण निर्माण होत असल्याने उनाड कुत्र्यांचा बंदोबस्त करण्यासाठी निविदा प्रक्रिया सुरू असल्याची माहिती प्रशासनाने दिली.
डास प्रतिबंधक फवारणी तत्काळ सुरू करण्याचा निर्णय
शहरातील डासांचा प्रादुर्भाव रोखण्यासाठी प्रशासनाने उद्यापासूनच फवारणी सुरू करणार असल्याचे स्वच्छता पर्यवेक्षकांनी भाजपाच्या पदाधिकाऱ्यांना सांगितले.
बैठकीला भाजपाचे पदाधिकारी उपस्थित
यावेळी भाजपाचे जिल्हाध्यक्ष राजेश सावंत, शहराध्यक्ष राजेंद्र फाळके, माजी नगरसेविका प्रणाली रायकर, माजी नगरसेविका सुप्रिया रसाळ, दादा ढेकणे, निलेश आखाडे, मंदार खंडकर, शैलू बेर्डे, सायली बेर्डे, भक्ती दळी, कुंभार मॅडम, अमित विलणकर, विनय मसुरकर आदी पदाधिकारी उपस्थित होते.
– रत्नागिरी शहरातील समस्यांवर लवकरात लवकर तोडगा निघावा, यासाठी भाजपा पदाधिकारी प्रयत्नशील!
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
