ॲग्री व्हिजन २०२५ मध्ये शरदचंद्रजी पवार कृषि महाविद्यालयाचा चिपळूणचा झंझावात

ॲग्री व्हिजन २०२५ मध्ये शरदचंद्रजी पवार कृषि महाविद्यालयाचा चिपळूणचा झंझावात!

संशोधनात्मक स्पर्धांमध्ये विद्यार्थ्यांचे घवघवीत यश; अन्न प्रक्रिया क्षेत्रात नवे प्रयोग सादर

आबलोली (संदेश कदम) :

डाॅ. बाळासाहेब सावंत कोकण कृषि विद्यापीठ, दापोली येथे नुकतेच पार पडलेल्या ॲग्री व्हिजन २०२५ या तृतीय कोकण प्रांत संशोधनात्मक संमेलनात चिपळूण तालुक्यातील खरवते-दहिवली येथील शरदचंद्रजी पवार कृषि व संलग्न महाविद्यालयाचे विद्यार्थ्यांनी आपल्या नाविन्यपूर्ण संशोधनातून मोठे यश मिळवले.

या संमेलनात अन्न प्रक्रिया व अन्न सुरक्षा या विषयांवर संशोधन सादर करण्यासाठी स्पर्धांचे आयोजन करण्यात आले होते. महाविद्यालयाचे तब्बल ६१ विद्यार्थी सहभागी झाले. कु. स्वयम दळी व कु. सानिया माने यांनी प्रथम क्रमांक पटकावून सर्वांचे लक्ष वेधले. कु. सुजित पवार व कु. श्रावण कारंडे यांना द्वितीय तर कु. तनिश वर्तक याला तृतीय क्रमांक प्राप्त झाला.

या विद्यार्थ्यांनी ज्वारीपासून बनवलेले डीलाईटस, काजूच्या बोंडांपासून पेक्टीन व रेजिनचे उत्पादन अशा नाविन्यपूर्ण संशोधन कल्पना सादर केल्या. या उपक्रमांना उपस्थित मान्यवरांकडून भरभरून दाद मिळाली.

विजयी विद्यार्थ्यांना महाविद्यालयाचे प्राचार्य डाॅ. सुनितकुमार पाटील यांच्या हस्ते सन्मानचिन्ह व प्रशस्तिपत्रक प्रदान करण्यात आले. त्यांनी अन्न प्रक्रिया क्षेत्रातील ज्ञानामुळे उद्योगशीलतेला चालना मिळेल असे सांगत विद्यार्थ्यांचे विशेष कौतुक केले व पुढील संशोधनासाठी शुभेच्छा दिल्या. यामध्ये विषय प्राध्यापकांचे मोलाचे मार्गदर्शन लाभले असून, कार्यक्रमाचे समन्वयक म्हणून प्रा. सुशांत कदम व प्रा. कैवल्य पटेल यांनी विशेष मेहनत घेतली.

#AgriVision2025 #SharadchandrajiPawarCollege #ChiplunNews #AgriInnovation #FoodProcessing #KokanAgriculture #StudentSuccess #KonkanPride

Author: Sujit Surve.

⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕