धक्कादायक! मंगळसूत्र घालतानाच नवरदेवाचा मृत्यू – मंडपातच पसरली शोककळा.
बातमीदार- निलेश रहाटे
बागलकोट (कर्नाटक): लग्न म्हणजे दोन जीवांचे मिलन, आनंदाचा क्षण – पण कर्नाटकातील बागलकोट जिल्ह्यातील जमखंडी शहरात एक अश्रू ढाळणारी घटना समोर आली आहे. मंगळसूत्र घालतानाच नवरदेवाचा हृदयविकाराच्या झटक्याने मृत्यू झाल्याने संपूर्ण लग्नसोहळा शोकमग्न झाला.
प्राप्त माहितीनुसार, २५ वर्षीय प्रवीण नावाच्या तरुणाचे लग्न मोठ्या थाटामाटात पार पडत होते. विधीप्रमाणे नवरीने मंगळसूत्र घातल्यानंतर काही क्षणातच प्रवीणने छातीत वेदना असल्याचे सांगितले आणि क्षणात तो जमिनीवर कोसळला.
वडिलानी त्याला जवळच्या खाजगी रुग्णालयात नेण्यात आले. मात्र, डॉक्टरांनी तपासून त्याला मृत घोषित केले. ही बातमी मिळताच संपूर्ण कुटुंब आणि नातेवाईकांवर दुःखाचा डोंगर कोसळला.
या हृदयद्रावक घटनेनंतर लग्नाची आनंदाची गडबड एका क्षणात अश्रूंमध्ये परिवर्तित झाली. नवविवाहित वधूसह दोन्ही कुटुंबियांवर दुःखाचे सावट पसरले आहे
अशीच घटना उत्तर प्रदेशातही
काही महिन्यांपूर्वी उत्तर प्रदेशातील फतेहपूर जिल्ह्यातही अशीच एक घटना घडली होती. लग्नसोहळ्यानंतर नववधू गाडीत बसत असताना नवरदेव अचानक बेशुद्ध झाला आणि रुग्णालयात नेत असतानाच त्याचा मृत्यू झाला होता.
या दुर्दैवी घटनांमुळे ‘कधी कोणत्या क्षणी काय होईल’ हे सांगता येत नाही, याची जाणीव पुन्हा एकदा झाली आहे.
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
