माथेरानमधील शार्लोट तलावात नवी मुंबईतील ३ तरुणांचा बुडून मृत्यू
पर्यटनाचा आनंद काळवंडला; एका साथीदाराला वाचवताना दोघेही बुडाले – रायगड जिल्ह्यात हादरलेलं वातावरण
नवी मुंबई / माथेरान (प्रतिनिधी – मंगेश जाधव)
रायगड जिल्ह्यातील प्रसिद्ध थंड हवेचं ठिकाण माथेरानमधील शार्लोट तलावात नवी मुंबईतील तिघा तरुणांचा बुडून मृत्यू झाल्याची दुर्दैवी घटना रविवारी संध्याकाळी घडली. एक मित्र पाण्यात पडल्यावर त्याला वाचवण्याच्या प्रयत्नात दोघांनी उडी घेतली आणि तिघेही पाण्यात बुडाले.
नवी मुंबईतील कोपरखैरणे परिसरातील १० तरुणांची मंडळी माथेरान पर्यटनासाठी आली होती. पिसरनाथ मंदिरात दर्शन घेतल्यानंतर हे सर्वजण तलावाजवळील परिसरात मजामस्ती करत होते. याच दरम्यान एक तरुण पाण्यात पाय घसरून पडला. त्याला वाचवण्यासाठी आणखी दोन मित्रांनी उड्या घेतल्या, मात्र पाण्याचा अंदाज न आल्याने तिघेही बुडाले.
या घटनेची माहिती मिळताच पोलिसांनी शोधकार्य सुरू केले. मृत तरुणांची नावे –
सुमित चव्हाण,आर्यन खोब्रागडे,फिरोज शेख
हे तिघेही कोपरखैरणे, नवी मुंबई येथील रहिवासी होते.
दरम्यान, रायगडमधीलच खालापूर तालुक्यातील नदाल गावाजवळही एक पर्यटक बोला कुमार सहाणी बुडाल्याची माहिती पोलिसांनी दिली आहे.
या दुर्दैवी घटनेमुळे माथेरान परिसरात शोककळा पसरली आहे. पर्यटन स्थळांवर सुरक्षिततेच्या उपाययोजनांची गरज अधोरेखित करणारी ही घटना असून, पर्यटकांनी अशा ठिकाणी अत्यंत सावधगिरी बाळगण्याची गरज व्यक्त होत आहे.
—
🏷️ #माथेरान #शार्लोटतलाव #बुडूनमृत्यू #नवीमुंबई #RIP #MatheranLakeTragedy #TourismAlert #RaigadNews
📸 फोटो
—
✍️ बातमी: रत्नागिरी वार्ताहर
Author: Team Ratnagiri Vartahar
Official Ratnagiri vartahar Media creators & RV News YouTube Channel.
