🏆 ‘ग्लोबल मराठी उद्योजकीय परिषद २०२५’ मुंबईत; सिंधुदुर्गची ऐश्वर्य मांजरेकर ठरणार खास आकर्षण!
👉 मराठी उद्योजकतेचा जागर; बीएसई मुंबई येथे दिग्गज उद्योगपतींच्या उपस्थितीत भव्य कार्यक्रम
मुंबई | प्रतिनिधी
मराठी उद्योगविश्वाला नवे बळ देणारा आणि नवउद्योजकांना प्रेरणा देणारा ‘ग्लोबल मराठी उद्योजकीय परिषद २०२५’ हा कार्यक्रम ‘मी उद्योजक होणारच’ या संस्थेच्या वतीने मंगळवार, १७ जून रोजी बॉम्बे स्टॉक एक्सचेंज (BSE), मुंबई येथे भव्यदिव्य पद्धतीने पार पडणार आहे.
या विशेष उपक्रमाचे औचित्य दूरदृष्टी संपन्न उद्योगपती लक्ष्मणराव किर्लोस्कर यांच्या १५६व्या जयंतीचे निमित्त साधून करण्यात आले आहे. मराठी उद्योजकतेच्या सशक्ततेचे दर्शन घडवणाऱ्या या कार्यक्रमात उद्योगमंत्री उदय सामंत, कौशल्यविकास मंत्री मंगलप्रभात लोढा, डॉ. सुरेश हावरे, रवींद्र प्रभुदेसाई, डॉ. अजित मराठे, कैलास काटकर, संतोष पाटील, विरेंद्र पवार यांचे मार्गदर्शन नवउद्योजकांसाठी लाभदायक ठरणार आहे.
या कार्यक्रमातून नवकल्पना, नेतृत्व व उद्योग क्षेत्रातील जागरूकता वृद्धिंगत करण्यावर भर दिला जाणार आहे. विशेष म्हणजे सिंधुदुर्ग जिल्ह्यातील ऐश्वर्य मांजरेकर यांची कार्यक्रमासाठी निवड झाल्याबद्दल जिल्ह्यातील नागरिकांकडून त्यांचे विशेष अभिनंदन होत आहे.
मराठी भाषा केवळ अभिजात नव्हे, तर समृद्ध आणि सक्षम आहे हे अधोरेखित करण्यासाठी हा कार्यक्रम मराठी उद्योजकतेचा एक सशक्त मंच ठरणार आहे.
—
🔖 #ग्लोबलमराठीपरिषद2025 #मीउद्योजकहोणारच #MarathiEntrepreneurship #BSEMumbai #उदयसामंत #ऐश्वर्यमांजरेकर #KirloskarJayanti #सिंधुदुर्गगौरव
—
📸 फोटो
Author: Team Ratnagiri Vartahar
Official Ratnagiri vartahar Media creators & RV News YouTube Channel.
