शिर्डीत युवा क्रांती फौंडेशनचा तिसरा वर्धापन दिन: ७२ जणांना ‘महाराष्ट्र भूषण’ पुरस्काराने सन्मानित
नंदकुमार बागडेपाटील अहिल्यानगर..
शिर्डी, 26 जून]: शिर्डी येथे नुकताच युवा क्रांती फौंडेशनचा तिसरा वर्धापन दिन आणि राष्ट्रीय मेळावा मोठ्या उत्साहात पार पडला. या विशेष प्रसंगी, युवा क्रांती फौंडेशन अंतर्गत कार्यरत असलेल्या पोलिस मित्र, ग्राहक संरक्षण, पत्रकार संरक्षण आणि माहिती अधिकार संघटना महाराष्ट्र राज्य यांच्या एकूण ७२ सदस्यांना ‘महाराष्ट्र भूषण’ पुरस्काराने सन्मानित करण्यात आले.
या सोहळ्यात पश्चिम महाराष्ट्र संपर्क प्रमुख संदीप महाराज भाकरे आणि राष्ट्रीय सह-संघटक सुरेश आप्पा गायकवाड यांना त्यांच्या उल्लेखनीय कार्याबद्दल ‘महाराष्ट्र भूषण’ पुरस्कार देऊन गौरवण्यात आले. तसेच, पुणे जिल्हा संपर्कप्रमुख छायाताई नवले यांनाही ‘महाराष्ट्र भूषण’ पुरस्काराने सन्मानित करण्यात आले.
यावेळी सन्मानित करण्यात आलेल्या इतर प्रमुख सदस्यांमध्ये पुणे जिल्हा सदस्या सौ. नंदा कापरे, शिरूर तालुका अध्यक्षा सौ. माया महाजन, शिरूर शहर उपाध्यक्षा कल्पना पुंडे यांचा समावेश होता. फाटके ग्राम अध्यक्ष एकनाथ राळे यांनाही ‘महाराष्ट्र भूषण’ पुरस्काराने गौरवण्यात आले. याशिवाय, शिरूर तालुका अध्यक्ष सतीश वाखरे, शिरूर तालुका उपाध्यक्ष लहू भाकरे, आणि शिरूर तालुका कार्याध्यक्ष विलास रोहिले यांचाही सत्कार करण्यात आला.
याप्रसंगी रवींद्र सूर्यवंशी यांनी उपस्थितांना पुढील वाटचालीस शुभेच्छा दिल्या. युवा क्रांती फौंडेशनने समाजातील विविध स्तरांमध्ये केलेल्या कार्याची दखल या पुरस्कार सोहळ्याच्या माध्यमातून घेण्यात आली, ज्यामुळे संघटनेच्या कार्यकर्त्यांचा उत्साह द्विगुणित झाला आहे.
#युवाक्रांतीफौंडेशन #महाराष्ट्रभूषण #शिर्डी #समाजसेवा #पुरस्कारसोहळा #पोलिसमित्र #ग्राहकसंरक्षण #पत्रकारसंरक्षण #माहितीअधिकार
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
