खोडदे गोणबरेवाडी येथे आ.रा.स. अकॅडमीचे भव्य उद्घाटन: स्पर्धा परीक्षांसाठी निवासी प्रशिक्षण केंद्र सुरू!

खोडदे गोणबरेवाडी येथे आ.रा.स. अकॅडमीचे भव्य उद्घाटन: स्पर्धा परीक्षांसाठी निवासी प्रशिक्षण केंद्र सुरू!

A.R.S. Academy Residential Competitive Exam Guidance and Training Center Inaugurated with Enthusiasm at Khodde Gonbarewadi

आबलोली (संदेश कदम) – गुहागर तालुक्यातील लोकशिक्षण मंडळ आबलोली संचलित आ.रा.स. अकॅडमी ऑफ एज्युकेशन ॲन्ड करिअर (A.R.S. Academy of Education & Career) या निवासी स्पर्धा परीक्षा मार्गदर्शन आणि प्रशिक्षण केंद्राचा उद्घाटन सोहळा गुरुपौर्णिमेचे (Guru Purnima) औचित्य साधून मान्यवरांच्या हस्ते उत्साहात संपन्न झाला.
लोकशिक्षण मंडळ आबलोली शैक्षणिक संकुल, खोडदे गोणबरेवाडी येथील सभागृहात मान्यवरांच्या हस्ते महापुरुषांच्या प्रतिमांचे पूजन, दीपप्रज्वलन करून पुष्पहार अर्पण करण्यात आले. त्यानंतर लोकशिक्षण मंडळ आबलोली संस्थेच्या वतीने मान्यवरांचा जाहीर सत्कार आणि स्वागत समारंभ संस्थेचे कार्याध्यक्ष सचिनशेठ बाईत यांच्या अध्यक्षतेखाली मोठ्या उत्साहात पार पडला.
यानंतर, लोकशिक्षण मंडळ आबलोली संचलित निवासी स्पर्धा परीक्षा मार्गदर्शन आणि प्रशिक्षण केंद्राचा उद्घाटन सोहळा सचिनशेठ बाईत, माजी डी.वाय.एस.पी. विलास भोसले, आणि आ.रा.स. अकॅडमीचे संस्थापक, संचालक ॲड. राकेश सत्वे यांच्या हस्ते मान्यवरांच्या उपस्थितीत उत्साहात आणि जल्लोषात पार पडला. या सोहळ्यात रेल्वे पोलीस एस.एस. कोरे आणि प्रशिक्षणार्थी विद्यार्थ्यांनी मैदानावर गोळा फेक प्रात्यक्षिक (Shot Put Demonstration) दाखवले.
त्यानंतर, लोकशिक्षण मंडळ आबलोली शैक्षणिक संकुल सभागृहात अकॅडमीच्या विद्यार्थ्यांना मार्गदर्शन करण्यात आले. यावेळी मुख्याध्यापक डि. डि. गीरी, खोडदेच्या सरपंच कु. पूजा गुरव, आबलोलीच्या सरपंच सौ. वैष्णवी नेटके, रेल्वे पोलीस एस.एस. कोरे, डायटचे माजी प्राचार्य नेताजी कुंभार, माजी डी.वाय.एस.पी. विलास भोसले, आ.रा.स. अकॅडमी ऑफ एज्युकेशन अँड करिअर रत्नागिरीचे संस्थापक आणि संचालक ॲड. राकेश सत्वे, आणि लोकशिक्षण मंडळ आबलोली संस्थेचे कार्याध्यक्ष तथा कार्यक्रमाचे अध्यक्ष सचिनशेठ बाईत यांनी विद्यार्थ्यांना मोलाचे मार्गदर्शन करत गुरुपौर्णिमेच्या शुभेच्छा दिल्या.
याप्रसंगी व्यासपीठावर सचिनशेठ बाईत, ॲड. राकेश सत्वे, विलास भोसले, नेताजी कुंभार, कु. पूजा गुरव, सौ. वैष्णवी नेटके, ग्रामपंचायत अधिकारी बाबूराव सुर्यवंशी, पोलीस पाटील सौ. श्रद्धा गोणबरे, सौ. योगीता पवार, सामाजिक कार्यकर्ते विलास गुरव, मुख्याध्यापक डि. डी. गीरी, लोकशिक्षण मंडळ आबलोलीचे सी.ई.ओ. अविनाश कदम, संचालक अनंत पागडे, सुर्यकांत बाईत, सौ. नेत्रा रहाटे, सौ. सुषमा उकार्डे, दिनेश नेटके, राकेश साळवी, अजित रेपाळ, ग्रामपंचायत सदस्य ऋषिकेश बाईत, रविंद्र निवाते आदी मान्यवर उपस्थित होते.
या संपूर्ण कार्यक्रमाचे सूत्रसंचालन प्रा. संजय राजमाने यांनी केले, तर संदिप महाडिक यांनी उपस्थितांचे आभार मानले.

#Hashtags:
#ARSAcademy #KheddeGonbarewadi #CompetitiveExams #MaharashtraEducation #स्पर्धापरीक्षा #उद्घाटनसोहळा #शिक्षण #ग्रामविकास #MaharashtraNews #गुहागर #गुरुपौर्णिमा #CareerGuidance #Abololi

Author: RV.Ratnagiri Office

रत्नागिरी वार्ताहर डिजिटल बातमी पत्र - एडिटर विभाग