💥💥 ब्रेकिंग न्यूज

🟣 भारत $5 ट्रिलियन अर्थव्यवस्थेकडे! महाराष्ट्राचे भरीव योगदान: उपमुख्यमंत्री एकनाथ शिंदे यांचा विश्वास

मुंबई – महाराष्ट्राच्या अभ्यास दौऱ्यावर आलेल्या भारतीय विदेश सेवेतील अधिकाऱ्यांच्या शिष्टमंडळाने मुक्तागिरी निवासस्थानी उपमुख्यमंत्री एकनाथ शिंदे यांची भेट घेतली. यावेळी उद्योगमंत्री उदय सामंत उपस्थित होते.

या शिष्टमंडळाला महाराष्ट्रातील औद्योगिक विकास, महत्त्वाकांक्षी योजना आणि सामाजिक क्षेत्रातील कामगिरी याची सविस्तर माहिती देण्यात आली.

🚆 उपमुख्यमंत्री एकनाथ शिंदे यांनी सांगितले:

भारताची अर्थव्यवस्था $5 ट्रिलियन डॉलर करण्याच्या दिशेने महाराष्ट्राचे भरीव योगदान असेल.

अटल सेतू, कोस्टल रोड, समृद्धी महामार्ग, मेट्रोचे जाळे अशा जागतिक दर्जाच्या पायाभूत प्रकल्पांनी महाराष्ट्र वेगाने प्रगती करत आहे.

आरोग्य, शिक्षण, महिला सबलीकरण, पर्यटन, गृहनिर्माण या क्षेत्रात राज्याने लक्षणीय प्रगती केली आहे.

मुंबईत परवडणारी घरं उपलब्ध करून सामान्यांना स्वप्नातील घर मिळत असल्याचे त्यांनी सांगितले.

नाशिक जिल्ह्यातील त्र्यंबकेश्वर येथील हिवाळी गावातील शाळा व तेथील विद्यार्थी-शिक्षकांचे कार्य कौतुकास्पद असून, ही शाळा पाहण्यासारखी असल्याचे त्यांनी शिष्टमंडळाला आवर्जून सांगितले.

या बैठकीला उपमुख्यमंत्र्यांचे प्रधान सचिव नविन सोना, तसेच विदेश सेवेतले अधिकारी योजना पटेल, प्रतिभा पारकर-राजाराम, परमिता त्रिपाठी, अंकन बॅनर्जी, स्मिता पंत, बिश्वदीप डे, सी. सुगंध राजाराम उपस्थित होते. शिष्टमंडळाचे समन्वयक यशदाचे उपमहासंचालक त्रिगुण कुलकर्णी होते.

—

📌 हॅशटॅग

#Maharashtra #EknathShinde #UdaySamant #IndustrialGrowth #5TrillionEconomy #SamruddhiMahamaharg #AtalSetu #MakeInMaharashtra

📷 फोटो

Author: RV.Ratnagiri Office

रत्नागिरी वार्ताहर डिजिटल बातमी पत्र - एडिटर विभाग