🟣🟢
चिपळूण प्रभाग रचनेवर नागरिकांच्या तक्रारीं. भोंगळ कारभारावर प्रश्नचिन्ह?
वास्तव्य एका प्रभागात, मतदान दुसऱ्यात; सुनावणीत नागरिकांचा आक्षेप
चिपळूण : आगामी नगरपरिषद निवडणुकीच्या पार्श्वभूमीवर शहरात नव्याने करण्यात आलेल्या प्रभाग रचनेवर गुरुवारी झालेल्या सुनावणीत १९ हरकती नोंदविल्या गेल्या. यामध्ये अनेकांनी “वास्तव्य एका प्रभागात असून मतदान मात्र दुसऱ्या प्रभागात दाखवले आहे” असा आक्षेप नोंदवला. काहींनी तर जवळचा भाग वगळून लांबचा भाग जोडल्याबाबत आक्षेप घेतला.
इंदिरा गांधी सांस्कृतिक केंद्र येथे झालेल्या या सुनावणीत प्रांताधिकारी आकाश लिगाडे यांनी नागरिकांच्या तक्रारी ऐकून घेतल्या. यावेळी मुख्याधिकारी विशाल भोसले यांनी प्रभाग नकाशे सादर करून प्रशासनाची भूमिका स्पष्ट केली. मालमत्ता विभाग प्रमुख सागर शेडगे हेही उपस्थित होते.
या सुनावणीत किशोर रेडीज, बिलाल पालकर, अभिषेक राजापूरकर, सचिन हातिस्कर, राकेश दाते, निनाद आवटे, सुनील कुलकर्णी, संदीप भिसे, जतीन घटे, शशिकांत मोदी, उदय जुवळे, राहुल गुरव, बाळा कदम, सिद्धेश गुरव, जिस शिंदे, ओंकार लावडे आणि ओमप्रकाश वैश्वकर्मा यांनी आपले आक्षेप व सूचना नोंदविले.
प्रांताधिकारी यांनी सर्व बाजू ऐकून घेतल्यानंतर या संदर्भातील अहवाल लवकरच निवडणूक आयोगाकडे सादर होणार असून आयोगाच्या निर्णयानंतर अंतिम प्रभाग रचना प्रसिद्ध केली जाईल.
—
✅ हॅशटॅग्स :
#चिपळूण #नगरपरिषदनिवडणूक #प्रभागरचना #महाराष्ट्रबातम्या #RatnagiriNews #CitizenVoices
📸 फोटो
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
