शिंदे चे शिवसेनेला ‘जय महाराष्ट्र करीत सहदेव बेटकर यांनी आज काँग्रेस मध्ये केला प्रवेश..
गुहागर – मुख्यमंत्री एकनाथ शिंदेंच्या शिवसेनेला ‘जय महाराष्ट्र करीत सहदेव बेटकर यांनी आज काँग्रेस मध्ये केला प्रवेश केल्याने अनेकांना धक्का बसला सहदेव बेटक्रर हे कुणबी समाजाचे रत्नागिरी जिल्ह्यातील नेते होते. आज कार्यकर्त्यांसह त्यांनी प्रदेशाध्यक्ष नाना पटोले यांच्या उपस्थितीत काँग्रेसमध्ये रीतसर प्रवेश केला. मुंबई येथे हा पक्षप्रवेश सोहळा पार पडला.
सहदेव बेटकर हे गेल्या विधानसभा निवडणुकीतही त्यांनी गुहागर विधानसभा मतदारसंघातून आमदार. भास्कर जाधव यांच्या विरोधात निवडणूक लढवली होती. प्रचारासाठी त्यांना अवघ्या काही दिवसांचा अवधी मिळाला होता. निवडणुकीत त्यांचा पराभव झाला मात्र त्यांना मिळालेली मते लक्षणीय होती. दोन वर्षांपूर्वी त्यांनी शिंदेंच्या शिवसेनेत प्रवेश केला होता. यानंतर एका जाहीर मेळाव्यात भास्कर जाधव यांच्या विरोधात पुन्हा बेटकर यांना उमेदवारी देऊन त्यांना निवडून आणणारच अशी घोषणा रामदास कदम यांनी केली होती. पण अचानक बेटकर कर यांनी काँग्रेस मध्ये प्रवेश करून सर्वानाच धक्का दिला . मध्यंतरी काही काळ ते शिंदे गटात ही नाराज आहेत अशी चर्चा होती.
मधल्या काळात ते इतर पक्षात प्रवेश करणार अशा चर्चा सुरू होत्या. अखेरीस आज ती चर्चा सत्यात उतरली. सहदेव बेटकर यांनी आता सर्वच पदाधिकारी ,जिल्हाध्यक्ष, सर्व तालुकाध्यक्ष, शहराध्यक्ष, इतर पदाधिकारी-कार्यकर्ते yयांच्या सोबतीने काँग्रेसला रत्नागिरी जिल्ह्यात गतवैभव प्राप्त करून देण्यासाठी आपण प्रयत्न करणार असल्याचा वचन प्रदेश अध्यक्ष नाना पटोले यांना त्यांनी दिला आहे. त्यासोबतच भविष्यात चिपळूणमध्ये पक्षाचा मोठा मेळावा घेण्याचा बेटकर यांचा निश्चय आहे.
गुहागर चिपळूण मध्ये ही बेटकर याचे समर्थकामध्ये उत्साह आहे.
Author: Ratnagiri Vartahar
⭕ मुख्य संपादक - सुजेंद्र सुर्वे , रत्नागिरी वार्ताहर *डिजीटल मिडिया बातमी पत्र* ◀️ Digital Media Creator's ▶️
