🟣 धोपेश्वर खांबलवाडीतील पुरुषोत्तम खांबल यांची सलग पाचव्यांदा तंटामुक्ती समिती अध्यक्षपदी बिनविरोध निवड

ग्रामसभेत सर्वानुमते निर्णय; सामाजिक कार्य, महिला सक्षमीकरण व दारूबंदी मोहिमेत नेहमीच आघाडी

राजापूर प्रतिनिधी :
धोपेश्वर खांबलवाडी येथील पुरुषोत्तम भानू खांबल यांची सलग पाचव्यांदा महात्मा गांधी तंटामुक्ती समिती अध्यक्षपदी बिनविरोध निवड झाली आहे. दिनांक १९ सप्टेंबर २०२५ रोजी झालेल्या ग्रामसभेत हा निर्णय घेण्यात आला.

पंचक्रोशीतील तंटे आत्मियतेने व कुशलतेने मिटविण्याची त्यांची कार्यशैली ग्रामस्थांमध्ये आदरास पात्र ठरली आहे. तंटामुक्ती सोबतच पुरुषोत्तम खांबल सामाजिक कार्य, महिला सक्षमीकरण आणि दारूबंदी मोहिमेतही सतत आघाडीवर असतात. विकासकामे आणि शैक्षणिक उपक्रमांसाठी ते सदैव आग्रही व प्रामाणिकपणे कार्यरत असल्याचे ग्रामस्थांनी सांगितले.

ग्रामस्थांशी संवाद साधला असता, “आमच्या पंचक्रोशीतून एक युवा नेतृत्व उदयाला येत आहे. चुकीच्या गोष्टींना वाचा फोडून ग्रामहितासाठी लढा देणारे हे कार्यकर्ते भ्रष्टाचारमुक्त कारभारासाठी प्रामाणिक प्रयत्न करतात,” अशी भावना व्यक्त करण्यात आली.

तंटामुक्ती समिती अध्यक्षपदासोबतच पुरुषोत्तम खांबल राजकीय पत्रकार, माहिती अधिकार कार्यकर्ता आणि विविध सामाजिक संस्थांमध्ये सक्रिय आहेत. ते रत्नागिरी वार्ताहर डिजिटल बातमीपत्राचे राजापूर ग्रामीण विभागाचे प्रतिनिधी म्हणूनही कार्यरत आहेत.

धोपेश्वर पंचक्रोशीतील ज्येष्ठ नागरिक व अनेक संस्थांचे पदाधिकारी यांनी त्यांना शुभेच्छा व आशीर्वाद देऊन भविष्यातील वाटचालीसाठी समर्थन व्यक्त केले.

👉 रत्नागिरी वार्ताहर तर्फे पुरुषोत्तम खांबल यांना हार्दिक शुभेच्छा !

🔖 हॅशटॅग :

#धोपेश्वर #राजापूर #तंटामुक्तीसमिती #पुरुषोत्तमखांबल #सामाजिककार्य #रत्नागिरीवार्ताहर

Author: Purushottam Khambal

पुरुषोत्तम खंबल. ???? डिजिटल मिडिया प्रतिनिधि - राजापुर ???? धोपेश्वर, ता. राजापुर , जि.रत्नागिरी