सरन्यायधीश भूषण गवई यांचेवरील भ्याड हल्ला – चिपळूण तालुका बौद्धजन हीतसंरक्षक समिती व रिपब्लिकन पक्षाकडून निवेदन सादर
आबलोली (संदेश कदम)
सरन्यायाधीश भूषण गवई यांच्यावर झालेल्या भ्याड हल्ल्याचा तीव्र निषेध चिपळूण तालुका बौद्धजन हितसंरक्षक समिती व रिपब्लिकन पार्टी ऑफ इंडिया (आठवले) तालुका चिपळूण या धम्म संघटनेच्या वतीने व राजकीय पक्षाच्या वतीने बाबतचे निवेदन नुकतेच चिपळूणचे प्रांताधिकारी आकाश लिगाडे आमचे मार्फत राष्ट्रपती यांना पाठवण्यात आले आहे. कार्यकर्त्यांकडून जोरदार घोषणाबाजी करण्यात आली.
सरन्यायाधीश भूषण गवई यांचेवर झालेला भ्याड हल्ला हा भारतीय संविधान, लोकशाही आणि न्यायव्यवस्थेचा घोर अपमान आहे. या घटने दरम्यान आरोपी वकिलाने ” सनातन धर्म का अपमान नही सहेगा हिंदुस्तान” अशा गगनभेदी घोषणा सरन्यायाधीशांवर हल्लाचा प्रयत्न केला. ही जातीयवादी मानसिकता असल्याचा आरोप यावेळी करण्यात आला. हा भ्याड हल्ला करणारा वकील राकेश किशोर याच्यावर कारवाई करून त्याची सनद कायमस्वरूपी रद्द करण्यात यावी. आग्रही मागणी करण्यात आली आहे.
यावेळी बौद्धजन हितसंरक्षक समितीचे अध्यक्ष चंद्रकांत सावंत, उपाध्यक्ष बुद्धघोष गमरे, शिक्षण कमीटी अध्यक्ष सकपाळ, कार्यकर्ते राजूभाई जाधव, सिद्धार्थ जाधव, प्रदीप माहिते, सरपंच विलास गमरे, चिटणीस उल्हास कदम, विभाग अध्यक्ष सुधाकर पवार, रिपब्लिकन पार्टी ऑफ इंडिया (आठवले) चिपळूण अध्यक्ष प्रशांत मोहिते, सचिव उमेश सकपाळ, शहराध्यक्ष मंगेश जाधव, गाव शाखा चिटणीस तुषार गमरे,सुभेदार भाऊ पवार, प्रशांत कांबळे, संजय जाधव, गणपत सावंत, जगदीश कांबळे, दिवाकर जाधव, प्रभाकर सकपाळ, अशोक पवार, उत्तम पवार, सिद्धार्थ पवार, विलास पवार पवार, सचिन गमरे, अमोल कदम, राजेंद्र कदम, मेजर सुभेदार दत्ताराम मोहिते, ललेश कदम आदी. पदाधिकारी कार्यकर्ते बहुसंख्येने उपस्थित होते.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
