राज्यात महायुतीमध्ये काही जागांवर मैत्रीपूर्ण लढती व्हाव्यात अशी अपेक्षा माजी मंत्री अर्जुन खोतकर यांनी व्यक्त केली आहे.
मुंबई – Ajit Pawar & Arjun khotkar On Mahayuti Seat Sharing : विधानसभेसाठी महायुतीचे नेते जोरदार . राज्य सरकार राबवत असलेल्या योजनांची माहिती जनतेपर्यंत पोहोचवली जातेय.. एकीकडे विधानसभेची तयारी सुरु आहे.. तर दुसरीकडे महायुतीत जागांवरुन वाद होण्याची शक्यता आहे.. महायुतीत विधानसभेच्या जागांवर मैत्रीपूर्ण लढत होणार असल्याची चर्चा सुरू आहे. येत्या विधान सभे साठी राज्यात महायुतीमध्ये काही जागांवर मैत्रीपूर्ण लढती व्हावेत असे विधान माजी मंत्री अर्जुन खोतकर यांनी यांनी नुकतच केलय.
मात्र, अजित पवारांनी मैत्रीपूर्ण लढतीची चर्चा फेटाळून लावली आहे.. मैत्रीपूर्ण लढत होऊ नये असं माझं वैयक्तीक मत असल्याचं अजित पवार म्हणालेत.. मावळमध्ये राष्ट्रवादीचे आमदार सुनील शेळके आहेत. त्या जागेवर भाजपचे रविंद्र भेगडे इच्छुक आहेत. इंदापूरमध्ये राष्ट्रवादीचे दत्ता भरणे आमदार आहेत. मात्र तिथून भाजपचे हर्षवर्धन पाटील इच्छुक आहेत. वडगाव शेरीचे आमदार आहेत सुनील टिंगरे.. मात्र भाजपकडून जगदीश मुळीकही लढण्यासाठी इच्छुक आहेत.. मुंबईच्या अंधेरी पूर्वमध्ये भाजपकडून मुरली पटेल तर शिवसेना शिंदे गटाकडून स्वीकृती शर्मा इच्छुक आहेत.. नवी मुंबईत बेलापूरमध्ये भाजपच्या मंदा म्हात्रे आमदार आहेत.. तर शिवसेनेकडून विजय नाहटा लढण्यासाठी इच्छुक आहेत..
लातूरमध्ये अहमदपूर आणि उद्गीरच्या जागेवरुन महायुतीत वाद सुरु आहे.. तर अमरावती जिल्ह्यातील मोर्शी, अमरावती या मतदारसंघातही महायुतीमध्ये वाद सुरू असल्याचं चित्र आहे… केंद्रीय गृहमंत्री अमित शाहा नुकतेच मुंबई दौ-यावर आले होते. त्या दौ-यात त्यांनी भाजप पदाधिका-यांच्या बैठकाही घेतल्या.. भाजपला 160 जागा हव्या असल्याची माहिती सूत्रांनी दिलीय… त्यामुळे जागावाटप हा महायुतीत कळीचा मुद्दा ठरणार आहे.
एकंदरीत अजुन काही जागा या समजुतीने लढवल्या जाव्यात असच मत महायुतीत आहे.
Author: Ratnagiri Vartahar
⭕ मुख्य संपादक - सुजेंद्र सुर्वे , रत्नागिरी वार्ताहर *डिजीटल मिडिया बातमी पत्र* ◀️ Digital Media Creator's ▶️
