जि.प.शाळा पूर्णगड नं.१ शाळेत दुर्गोत्सव उपक्रम उत्साहात संपन्न.
रत्नागिरी ~ युनेस्कोने शिवछत्रपतींच्या बारा दुर्गांना जागतिक वारसा म्हणून घोषित केले आहे. त्यांना जनसामान्यातून एक अभूतपूर्व मानवंदना देण्यासाठी जि. प. शाळा पूर्णागड नं,१ ता.जि. रत्नागिरी या शाळेने विद्यार्थी व पालकांच्या साह्याने मातीपासून आकर्षक किल्ले तयार करून त्याचे सेल्फी शासनाने दिलेल्या लिंक वर अपलोड करून प्रमाणपत्रे घेण्यात आली. व या उपक्रमात शाळेने खारीचा वाटा उचलावा आहे. या उपक्रमाला शाळा व्यवस्थापन समिती, पालक, विद्यार्थी या सर्वांचे मोठे सहकार्य लाभले.
उपक्रम यशस्वीतेसाठी शाळेच्या मुख्याध्यापिका भारती तायशेटे, शिक्षक-पूर्वा वाकडे, भारती शिंगाडे, राजेंद्र रांगणकर यांचे मार्गदर्शन लाभले. शाळेने राबवलेल्या या उपक्रमाचे केंद्रप्रमुख श्री राणे सर, शिक्षण विस्तार अधिकारी बीट पावस हिरवे मॅडम यांनी समाधान व्यक्त केले.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
