जैन बोर्डिंग जमीन वाद: फडणवीसांचं मोठं भाष्य! ‘विनाकारण मुरलीधर मोहोळ यांचं नाव घेऊ नका,’ जैन समाजाच्या मनाप्रमाणेच निर्णय होणार
धंगेकर-मोहोळ वादावर उपमुख्यमंत्र्यांची प्रतिक्रिया; म्हणाले, “निवडणुकीमुळे प्रसिद्धीसाठी काही लोक करत आहेत वेगवेगळ्या गोष्टी”
PUNE-
पुण्यातील जैन बोर्डिंग हाऊस जमीन व्यवहार प्रकरणावरून माजी आमदार रवींद्र धंगेकर आणि केंद्रीय राज्यमंत्री मुरलीधर मोहोळ यांच्यात सुरू असलेल्या आरोप-प्रत्यारोपांवर राज्याचे उपमुख्यमंत्री देवेंद्र फडणवीस यांनी मोठे भाष्य केले आहे. फडणवीस यांनी स्पष्ट केले की, काही लोक विनाकारण मंत्री मुरलीधर मोहोळ यांचे नाव या वादात घेण्याचा प्रयत्न करत आहेत.
पुण्यात पत्रकारांशी बोलताना फडणवीस म्हणाले की, “काहीही भूमिका घेण्याचं कारण नाही. अनेक लोक निवडणुकीजवळ आल्या की प्रसिद्धी मिळवण्यासाठी वेगवेगळ्या गोष्टी करत असतात. हा मुद्दा एका बिल्डर्स आणि आमच्या जैन बांधवांमधील आहे. त्यात आम्ही जी भूमिका घ्यायची ती घेतलेली आहे.”
ते पुढे म्हणाले की, “आम्ही जैन समाजाच्या भावना समजून घेत आहोत आणि या प्रकरणात जैन समाजाच्या मनाप्रमाणेच योग्य तो निर्णय होईल.” यामुळे निवडणुकीच्या तोंडावर पुणे जिल्ह्यातील राजकारण चांगलेच तापले आहे.
Author: Prachi Sutar
Prachi Sutar - Ratnagiri. *Digital media creators* Office clark.PR.
