दापोली येथे बळीराज सेने तर्फे माजी आमदार,स्वर्गीय नेते शामराव पेजे यांना अभिवादन
आबलोली (संदेश कदम)
दापोली येथे समाज कार्यकर्त्यांची महत्वाची बैठक उत्साहात संपन्न झाली.या बैठकीत सुरुवातीलाच १९५२ सालचे दापोलीचे पहिले आमदार आणि कुणबी समाजाचे नेते स्वर्गीय शामराव पेजे यांना त्यांच्या स्मृति दिनी अभिवादन करुन दोन मिनिटे स्तब्ध ऊभे राहून आदरांजली अर्पण करण्यात आली.यावेळी बळीराज सेना या राजकीय पक्षाचे जिल्हाध्यक्ष पराग कांबळे यांनी अभिवादन करताना असे सांगितले की, दापोली तालुक्यातील १९५२ सालचे पहिले आमदार लोकनेते,स्वर्गीय शामराव पेजे साहेब होते. त्यांचे स्मरण करुन आज बळीराज सेनेच्या दापोली तालुका अध्यक्षपदी काशिनाथ पोस्कर यांच्या रुपाने नियुक्ती करण्यात आली आहे. बळीराज सेनेच्या वतीने अठरा पगड जातीच्या सर्व जनतेला सोबत घेत आणि सर्वांना विश्वासात घेऊनच पक्ष कार्य केले जाईल तालुका महिला आघाडी व युवक कार्यकारणी देखील लवकरच जाहिर करण्यात येईल अशी माहिती जिल्हा उपाध्यक्ष पराग कांबळे यांनी दिली. यावेळी तालुका संपर्क प्रमुख मनोहर पवार, सुर्यकांत पागडे, ग्रामिणचे अध्यक्ष रमेश पांगत, गुहागर तालुका अध्यक्ष अरुण भूवड, सुनिल गोरीवले,सुर्यकांत म्हसकर, नंदकुमार शिगवण, रामचंद्र जावळे, सुधिर कांबळी, मंगेश गावडे, शंकर कदम, मनोहर पवार, अनिल शिंदे यांचेसह बळीराज सेना व कुणबी समाजाचे पदाधिकारी, कार्यकर्ते बहूसंख्येने उपस्थित होते.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
