खालगाव प्रीमियम लीग ( KPL ) तर्फे विद्यार्थी गुणगौरव आणि जेष्ठ नागरिकांचा सत्कार समारंभ संपन्न..
रत्नागिरी. (राजपवार वार्ताहर)
रत्नागिरी जिल्ह्यातील खालगाव प्रीमियर लीग ( KPL ) तर्फे खालगाव गावातील १० वी, १२ वी, पदवीधर, विद्यार्थी व जेष्ठ नागरिक यांचा गुणगौरव सोहळा आणि सत्कार समारंभ ग्रामदेवता मंदिर खालगाव याठिकाणी अत्यंत जल्लोषात संपन्न झाला. यावेळी
गावचे प्रथम नागरिक सरपंच प्रकाश खोल्ये, भारतीय कामगार सेनेचे सरचिटणीस विजय धामणे उपस्थित होते.
कार्यक्रमाची सुरुवात महापुरुषांच्या प्रतिमेस पुष्पहार अर्पण करून झाली.यावेळी धाऊल वाडी येथील मुलींनी स्वागत गीत सादर केले आणि रामगडे वाडीतील मुलींनी मधुर स्वरात प्रार्थना घेऊन कार्यक्रमाची सुरुवात मंत्रमुग्ध वातावरण करून केली. सुरुवातीला १० वी, १२ वी मधील गुणवंत विद्यार्थ्यांना फाईल, पुष्पगुच्छ, श्रीफळ भेटवस्तू देऊन त्यांचा सन्मान करण्यात आला.त्यानंतर पदवीधर मधील दिप्ती शिंदे ( MBBS ), अक्षय धामणे ( CA ), साहिल धामणे ( BE ), साक्षी शिंदे ( BMS ), प्राजक्ता खोल्ये ( Agriculture ), लहू घाणेकर ( MSF ), रोशन गोताड ( Artist ), सिद्धी धामणे, अंकुश घाणेकर,साहिल प्र.धामणे, प्रतिम धामणे, तन्वी धामणे, रोहित धामणे, संकेत धामणे,राज धामणे, यांचा पुष्पगुच्छ आणि शाल देऊन सन्मान करण्यात आला. त्यानंतर जेष्ठ नागरिक यांचा सत्कार शाल आणि श्रीफळ देऊन करण्यात आला. यावेळी
प्रकाश शेंडे, दत्ताराम रामगडे, अनंत शेंडे, दामोदर रामगडे, ग्रामदेवता मंदिर अध्यक्ष अनंत रहाटे,सचिव श्रीकांत निवळकर, खजिनदार गणपत गोताड, विश्वेश्वर काळभैरव मंडळाचे सचिव विलास धामणे, ग्रामपंचायत सदस्य श्रद्धा रामगडे, दिपक शिंदे, विष्णू गोताड, यशवंत गोंधळी, दिनेश साहेब,तसेच पत्रकार राज पवार , आणि अनेक मान्यवर या गुणगौरव कार्यक्रमास उपस्थित होते.
विद्यार्थी गुणगौरव सोहळा आणि जेष्ठ नागरिक सन्मान सोहळ्याचे सूत्रसंचालन नंदकिशोर धामणे, चंद्रकांत धामणे, अमर्थ जाधव यांनी केले.यावेळी कार्यक्रमाचे आयोजक खालगाव प्रीमियर लीग ( KPL ) यांचे अध्यक्ष मच्छिंद्र रामगडे, सेक्रेटरी सुदीप जाधव, खजिनदार संदिप धामणे आणि त्यांचे सर्व कार्यकर्ते आणि तरुणवर्ग मोठ्या संख्येने कार्यक्रमास उपस्थित होते.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
