साईकृपा सहकारी गृहनिर्माण संस्थेच्या पहिल्या सभेला रहिवाशांचा भरघोस प्रतिसाद
मुंबई प्रतिनिधी: प्रविणभाऊ पवार
मुंबई : खार दांडा येथील साईकृपा सहकारी गृहनिर्माण संस्था (SRA ) मार्फत रविवार दिनांक २८ डिसेंबर २०२५ रोजी मधला पाडा, गोविंद पाटील मार्ग, खार दांडा येथे निमंत्रित सभासदांची पहिली निमंत्रित सभासद सभा उत्साहात पार पडली.
सदर सभा संस्थेचे मुख्यप्रवर्तक श्री.नरेश मोरे यांच्या अध्यक्षतेखाली आयोजित करण्यात आली होती. या सभेत संस्थेच्या प्रस्तावित पुनर्वसन झोपडपट्टी पुनर्विकास (SRA) योजनेची सविस्तर माहिती रहिवाशांना देण्यात आली.
या सभेत प्रामुख्याने विषयांवर चर्चा करण्यात आली.
१) संस्थेमार्फत आतापर्यंत SRA योजनेअंतर्गत करण्यात आलेल्या कामाचा आढावा.
२) जमिनमालक व विकासक मेसर्स रोजवाॅल्ट रेडियेट होम्स यांनी राबविलेल्या SRA योजनेसंदर्भातील कामाची माहिती.
या विषयांवर राम कोंढाळकर, मिलिंद पवार तसेच मुख्यप्रवर्तक नरेश मोरे यांनी सविस्तर मार्गदर्शक केले, रहिवाशांच्या मनातील शंका, प्रश्न व गैरसमज यांचे समाधानकारक निरसन करण्यात आले.
या सभेला श्री. राजेश दळवी ( भू. माफक) तसेच विकासक रोज वर्ल्ड यांची प्रमुख उपस्थिती होती.
संस्थेच्या पहिल्याच सभेला २५० महिला व पुरुष स्थानिक सभासदांची उपस्थिती लावली. रहिवाशांनी मोठ्या उत्साहाने सहभाग नोंदवत पुनविर्कास प्रक्रियेस सकारात्मक पाठिंबा दर्शविला.
साईकृपा सहकारी गृहनिर्माण संस्थेच्या माध्यमातून होणाऱ्या पुनर्वसन प्रक्रियेबाबत पारदर्शक विस्वासार्ह माहिती मिळाल्याने उपस्थित सभासदांनी समाधान व्यक्त केले.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
