🔥 कुडलीतून महायुतीला उस्फूर्त पाठिंबा!
माजी सरपंच वसंत किल्लेकरांचा मोठा निर्णय; युतीच्या दोन्ही उमेदवारांच्या विजयाचा मार्ग मोकळा
गुहागर | प्रतिनिधी
गुहागर तालुक्यातील पडवे पंचायत समिती गणात महायुतीला मोठा राजकीय दिलासा मिळाला असून, कुडली येथील माजी सरपंच वसंत किल्लेकर यांनी महायुतीला जाहीर पाठिंबा देत राजकीय समीकरणं बदलून टाकली आहेत.
या निर्णयामुळे पडवे गणात महायुतीचे दोन्ही उमेदवार निलेश सुर्वे (पंचायत समिती) आणि महेश नाटेकर (जिल्हा परिषद) यांच्या विजयाचा मार्ग अधिक सुकर झाला आहे.
वसंत किल्लेकर यांनी राष्ट्रवादी काँग्रेस (अजित पवार गट) तर्फे उमेदवारी अर्ज दाखल केला होता. गेली तब्बल ३५ वर्षे राजकीय, सामाजिक व सार्वजनिक क्षेत्रात सक्रिय असलेल्या किल्लेकर यांना मानणारा मोठा मतदारवर्ग व कार्यकर्त्यांचा मजबूत फळी आहे. सर्वसामान्य जनतेसाठी पंचायत समितीच्या माध्यमातून सेवा करण्याची त्यांची प्रामाणिक इच्छा होती.
मात्र, या गणातून भारतीय जनता पक्षाचे निलेश सुर्वे आणि शिवसेनेचे महेश नाटेकर हे महायुतीकडून निवडणूक रिंगणात असून, आपल्या उमेदवारीमुळे मतविभागणी होऊन युती धर्माला बाधा येऊ शकते, हे लक्षात घेऊन किल्लेकर यांनी वरिष्ठ नेत्यांशी सविस्तर चर्चा केली.
युतीच्या हितासाठी त्यांनी स्वतःचा उमेदवारी अर्ज मागे घेतला आणि समर्थकांची बैठक घेऊन महायुतीला जाहीर पाठिंबा दिला.
वसंत किल्लेकर यांनी घेतलेला हा वेळीच घेतलेला राजकीय परिपक्व निर्णय युतीच्या गोटात उत्साह निर्माण करणारा ठरला आहे.
किल्लेकर व त्यांच्या सर्व कार्यकर्त्यांनी एकदिलाने महायुतीच्या उमेदवारांना पाठिंबा देण्याचा निर्धार केला असून,
➡️ पडवे पंचायत समितीसाठी निलेश सुर्वे
➡️ जिल्हा परिषदेसाठी महेश नाटेकर
यांच्या प्रचारात सक्रिय सहभाग घेणार असल्याचे स्पष्ट केले आहे.
वसंत किल्लेकर~ सामाजिक, शैक्षणिक , राजकीय क्षेत्रा मध्ये गेली अनेक वर्ष कार्यरत असणारे ग्रामीण नेते राजकीय परिपक्वतेचा आदर्श!
कुडलीचे माजी सरपंच व ३५ वर्षे सामाजिक-राजकीय क्षेत्रात कार्यरत असलेले वसंत किल्लेकर यांनी युती धर्म जपत मोठा निर्णय घेतला.
स्वतःची उमेदवारी मागे घेऊन महायुतीला जाहीर पाठिंबा दिल्याने पडवे गणातील राजकीय चित्र स्पष्ट झाले आहे.
या घडामोडीमुळे पडवे गणातील राजकीय चित्र स्पष्ट होत असून, महायुतीची ताकद अधिक मजबूत झाली आहे. तर राजकीय समीक्षकांनी किल्केकर यांच्या राजकीय परिपक्व तेच कौतुक केलं आहे.
वार्तांकन ~ सुजित सुर्वे, पडवे
Author: RV. Reporters
Guhagar Office .. * Ratnagiri vartahar Digital News * ..
