जि.प.आदर्श शाळा खोडदे नं.१ येथे दि.१४ रोजी सांस्कृतिक कार्यक्रम, सत्कार समारंभ आणि विद्यार्थी गुणगौरव सोहळ्याचे आयोजन
आबलोली (संदेश कदम)
गुहागर तालुक्यातील खोडदे येथील परिषद प्राथमिक आदर्श शाळा खोडदे नं.१ या शाळेतील सन २०२५ – २६ या वर्षाचा सांस्कृतिक कार्यक्रम, सत्कार समारंभ आणि विद्यार्थी गुणगौरव सोहळा शनिवार दिनांक १४/०२/२०२६ रोजी सायंकाळी ०३:०० वाजता शाळा व्यवस्थापन कमिटी पालकांच्या वतीने शालेय संकुलन येथे आयोजित करण्यात आलेला आहे. यावेळी मान्यवरांच्या हस्ते दीप प्रज्वलन, प्रतिमा पूजन करून विद्यार्थ्यांकडून ईशस्तवन, स्वागत गीत सादर करण्यात येणार असून विद्यार्थी व शिक्षक यांच्या सत्कार समारंभाचे आयोजन करण्यात आले असून त्यानंतर मान्यवरांचे मनोगत व्यक्त होईल आणि त्यानंतरच सांस्कृतिक कार्यक्रमाला प्रारंभ करण्यात येईल तरी या संपूर्ण कार्यक्रमाला खोडदे पंचक्रोशीतील जनतेने तसेच ग्रामस्थांनी बहुसंख्येने उपस्थित राहावे असे जाहीर आवाहन जिल्हा परिषद आदर्श शाळा खोडदे नं. १ या शाळेच्या वतीने पालक व शाळा व्यवस्थापन कमिटी यांच्या वतीने शाळा व्यवस्थापन कमिटी अध्यक्ष संतोष गुरव यांनी प्रसिद्धी पत्रकाद्वारे केले आहे.
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
