शिवसेना (उद्धव बाळासाहेब ठाकरे) पक्षात मोठा बदल? आदित्य ठाकरे कार्याध्यक्ष होण्याची शक्यता
पक्षाच्या वर्धापनदिनी नेतृत्व हस्तांतरणाचे संकेत; संजय राऊत यांचाही दुजोरा
बातमी:
मुंबई : शिवसेना (उद्धव बाळासाहेब ठाकरे) पक्षात आगामी वर्धापनदिनाच्या पार्श्वभूमीवर मोठा राजकीय बदल होण्याची शक्यता व्यक्त केली जात आहे. पक्षप्रमुख उद्धव ठाकरे यांच्याकडील महत्त्वाची सूत्रे आदित्य ठाकरे यांच्याकडे सोपवली जाणार असल्याची माहिती समोर आली आहे.
याच अनुषंगाने आदित्य ठाकरे यांची पक्षाच्या कार्याध्यक्षपदी निवड होण्याची दाट शक्यता वर्तवली जात आहे. या निर्णयामुळे पक्षात नव्या नेतृत्वाची अधिकृत एंट्री होणार असल्याचे मानले जात आहे.
दरम्यान, या चर्चांना शिवसेनेचे खासदार संजय राऊत यांनीही दुजोरा दिल्याने या घडामोडींना अधिक बळ मिळाले आहे. त्यांनी सूचक वक्तव्य करत लवकरच पक्षात मोठे निर्णय होणार असल्याचे संकेत दिले आहेत.
राजकीय वर्तुळात या संभाव्य नेतृत्व बदलाकडे मोठ्या उत्सुकतेने पाहिले जात आहे. जर हा निर्णय अधिकृत झाला, तर महाराष्ट्राच्या राजकारणात नवा अध्याय सुरू होण्याची शक्यता आहे.
#UddhavThackeray #AdityaThackeray #ShivSenaUBT #LeadershipChange #MaharashtraPolitics #SanjayRaut
Author: RV.Ratnagiri Office
रत्नागिरी वार्ताहर डिजिटल बातमी पत्र - एडिटर विभाग
