२० ऑक्टोबरला भोगवे बीचवर रंगणार गळ मासेमारीची स्पर्धा..!
सिंधुदुर्ग जिल्ह्यातील सर्वात मोठी भव्यदिव्य स्पर्धा
सर्वात मोठ्या माशाच्या वजनावरुन ठरणार प्रथम विजेता..!
आबलोली (संदेश कदम) ..
सिंधुदुर्ग जिल्ह्यातील सर्वात स्वच्छ, सुंदर आणि शांत समुद्र म्हणून नावलौकिक मिळवलेल्या वेंगुर्ले तालुक्यातील भोगवे बीचवर गळ (गरी) मासेमारी स्पर्धा रंगणार आहे. ग्रामस्थांच्या वतीने रविवार दिनांक २० ऑक्टोबर २०२४ रोजी सकाळी ८:०० ते सायंकाळी ५:०० वाजेपर्यंत याबाबतचे नियोजन असून प्रथम क्रमांक विजेत्याला सर्वात मोठ्या माशाच्या वजनावरुन १५०००/- रुपयांचे पारितोषिक दिले जाणार आहे
हि स्पर्धा भोगवे कोलवेल ग्रामस्थांच्या वतीने सलग चौथ्या वर्षी घेण्यात येत असून गळ मासेमारी स्पर्धेसाठी प्रवेश फी १०००/- रुपये ठेवण्यात आली असून हि स्पर्धा सर्वांसाठी खुली आहे. रविवार दिनांक २० ऑक्टोबर २०२४ रोजी सकाळी ८:०० ते सायंकाळी ५:०० वाजेपर्यंत हि स्पर्धा उत्साहात आणि जल्लोषात पार पडणार असून नावनोंदणीसाठी दिनांक १५ ऑक्टोबर हि या स्पर्धेची अंतिम तारीख आहे. तरी प्रथम नोंदणी केलेल्या १५० जणांना स्पर्धेत सहभागी होण्याची संधी मिळेल
स्पर्धेत सहभागी होणाऱ्या व्यक्तीला एकच तंगूस (साव) वापरण्याची परवानगी असून एका तंगूसला जास्त गळ (ग-या) जोडता येणार आहेत. लांबारी लाठारी (काठी) वापरुन तसेच आधुनिक रिळ असलेले गळ वापरुन किनाऱ्यावर अथवा खडकावर उभे राहून गळाने मासे पकडण्याची परवानगी आहे.
*तीन फूट खोलीकडे जाण्यास मनाई*
स्पर्धकाला समुद्र किनारी तीन फूट खोली पलीकडे जाण्याची परवानगी नाही. मासे पकडताना मद्यपान करण्यास सक्त मनाई करण्यात आली आहे सक्त ताकीद देण्यात आली आहे त्यामुळे स्पर्धकाने कोणतेही साहस न करता स्वतः ची सुरक्षा राखायची आहे शिस्त आणि सुरक्षितता याला प्रथम प्राधान्य असून स्पर्धेचे नियम काटेकोरपणे पाळण्याचे आवाहन आयोजकांनी केले आहे.
*अशी असणार पारितोषिके*
स्पर्धेतील विजेता ठरविताना एकुण किती मासे पकडले यावरूनच ठरवीला जाणार असून जास्त वजनाचा मासा पकडणा-याला प्रथम क्रमांकाला पंधरा हजार रुपये पारितोषिक मिळणार आहे. व्दितीय क्रमांकास पारितोषिक दहा हजार रुपये व तृतीय क्रमांकासाठी पाच हजार रुपये पारितोषिक असणार आहे. तरी स्पर्धकांनी नाव नोंदणी व अधिक माहितीसाठी सुरज सामंत मो. नं. ८४४६२५२१८२,शेखर सामंत मो. नं. ९४२१२६१८१९ यांचेशी मोबाईलवर संपर्क साधावा असे आवाहन प्रसिद्धी पत्रकाद्वारे करण्यात आले आहे.
Author: Sandesh Kadam
संदेश कदम, अबलोली. रत्नागिरी वार्ताहर. डिजिटल मिडिया गूहागर तालुका समन्वयक
