राजापुर विधान सभा मध्ये महीला मतदार ठरवणार उमेदवारच भविष्य -राजापूरचा निकाल महिलांच्या हाती.
राजापूर : राजापूर विधानसभा मतदारसंघामध्ये २ लाख ३८ हजार ४०९ मतदार असून त्यामध्ये १ लाख २४ हजार ५७० महिला आणि १ लाख १३ हजार ८३९ पुरुष मतदारांचा समावेश आहे. महिला-पुरुष मतदारांचा विचार करता पुरुष मतदारांच्या तुलनेमध्ये महिला मतदारांची १० हजार ५७० एवढी जास्त मतदारसंख्या आहे. त्यामुळे राजापूर विधानसभा मतदारसंघाच्या निवडणूक आखाड्यातील उमेदवारांचे भवितव्य सावित्रीच्या लेकींच्या हातामध्ये राहणार आहे.
सध्या भातकापणी हंगाम अंतिम टप्प्यामध्ये असून भातकापणीच्या कामामध्ये महिला गुंतल्या आहेत. त्यामुळे विधानसभा निवडणूक निकालामध्ये निर्णायकी ठरणाऱ्या महिला मतदारांना आपल्याच उमेदवाराला मतदान करावे यासाठी राजकीय पक्ष, कार्यकर्ते आणि स्वतः उमेदवार कोणकोणते फंडे वापरणार? याकडे आता साऱ्यांचे लक्ष लागून राहीले आहे.
राजापूर विधानसभा मतदारसंघासाठी प्रशासनाकडून अंतिम मतदारयादी प्रसिद्ध करण्यात आली आहे. त्यामध्ये २ लाख ३८ हजार ४०९ मतदारांची नोंद झाली आहे. अंतिम मतदार यादीमध्ये १ हजार ३५८ दिव्यांग आणि ४ हजार ४१० युवा मतदाराचा समावेश आहे. राजापूर मतदारसंघामध्ये पुरुष मतदारांच्या तुलनेमध्ये महिला मतदारांची संख्या जास्त आहे. त्यामुळे उमेदवाराचे भवितव्य महिला मतदारांच्या हातामध्ये राहणार आहे. या योजनांवरून सत्ताधारी आणि विरोधकांनी एकमेकांना गेल्या दोन-तीन महिन्यांमध्ये सातत्याने टार्गेट केले आहे. आपापल्या पक्षांच्या उमेदवाराच्या प्रचारामध्ये पुरुष पदाधिकाऱ्यांसोबत महिला पदाधिकारी, कार्यकर्त्याही जोमाने उतरल्याचे चित्र दिसत आहे.
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
