कल्याणमधील अल्पवयीन मुलीवर अत्याचार आणि तिच्या हत्येप्रकरणी मुख्य आरोपी विशाल गवळीला पोलिसांनी ठोकल्या बेड्या
कल्याण– कल्याणमधील अल्पवयीन मुलीवर लैंगिक अत्याचार करुन तिची हत्या केल्याप्रकरणी मुख्य आरोपीला पोलिसांनी बेड्या ठोकल्या आहेत. मुख्य आरोपी विशाल गवळीला पोलिसांनी अटक केली आहे. शेगाव येथून पोलीस पथकाने आरोपीला ताब्यात घेतलं आहे. पोलिसांनी दिलेल्या माहितीनुसार, आरोपी विशाल गवळी पत्नीच्या गावी लपून बसला होता. पत्नीच्या गावातून शेगाव येथून पोलिसांनी आरोपीला ताब्यात घेतले आहे.
अल्पवयीन मुलीवरील लैंगिक अत्याचार आणि हत्या प्रकरणातील मुख्य आरोपी विशाल गवळीला अखेर पोलिसांनी पकडलं आहे. कल्याण पोलिसांची सहा पथकं त्याच्या मागावर होती. शेगाव येथून पोलीस पथकाने त्याला ताब्यात घेतलं. विशाल गवळी पत्नीच्या गावी लपून बसला होता. अल्पवयीन मुलीवरील लैंगिक अत्याचार प्रकरणाने संपूर्ण कल्याणला हादरवून सोडलं आहे. नागरिकांच्या मनात या घटनेवरुन प्रचंड रोष आहे. सोमवारी संध्याकाळी कल्याण कोळसेवाडी परिसरातून एक अल्पवयीन मुलगी बेपत्ता झाली होती. तिचा मृतदेह काल दुपारी कल्याण भिवंडी मार्गावरील बापगाव परिसरात एका कब्रस्तानमध्ये सापडला. कल्याणमध्ये एका अल्पवयीन मुलीचं अपहरण करण्यात आलं. त्यानंतर तिच्यावर लैंगिक अत्याचार करून तिची हत्या करण्यात आली. याप्रकरणी पोलिसांनी विशाल गवळी, त्याची पत्नी साक्षी गवळी आणि रिक्षाचालकाला अटक केली. रिक्षा चालकाला कालच अटक केली होती. तर साक्षीची काल राहत्या घरातून अटक करण्यात आली होती आणि विशालच्या आज बुलढाण्यातून मुसक्या आवळण्यात आल्या. साक्षीला आज कोर्टात हजर करण्यात आलं होतं. तिला कोर्टाने दोन दिवसांची कोठडी सुनावली आहे.
पोलिसांनी कसून चौकशी केल्यानंतर साक्षीने या गुन्ह्याची कबुली दिली आहे. तिने या गुन्ह्याचा संपूर्ण घटनाक्रमच पोलिसांना सांगितला. विशाल गवळी हा संध्याकाळी 5 वाजता मुलीला घरी घेऊन आला होता. त्यानंतर त्याने तिच्याशी गैरकृत्य केलं आणि नंतर तिची हत्या केली. तिची हत्या केल्यानंतर त्याने एका मोठ्या बॅगेत तिचा छिन्नविछिन्न मृतदेह ठेवला होता. त्यानंतर साक्षी ही संध्याकाळी 7 वाजता घरी आली. साक्षी एका खासगी बँकेत नोकरीला आहे. साक्षी घरी आली तेव्हा विशालने झालेला प्रकार तिला सांगितला. हा प्रकार ऐकून ती हैराण झाली होती, असं साक्षीने म्हटल्याचं समजते. त्यानंतर दोघा नवरा बायकोने एकत्र बसून मृतदेहाचे काय करायचे याचा विचार केला. त्यानंतर दोघांनी मृतदेहाची विल्हेवाट लावण्याची योजना आखली.
त्याआधी दोघांनी घरातील संपूर्ण रक्त पुसून काढले. रात्री 8.30 वाजता विशालने मित्राची रिक्षा बोलावून घेतली. 9 वाजता ते रिक्षात मृतदेह टाकून बापगावच्या दिशेने रवाना झाले. त्यानंतर त्यांनी बापगावला अज्ञातस्थळी मृतदेह फेकला आणि तिथून पलायन केलं. बापगाववरून परत येत असताना विशालने आधारवाडी चौकातून दारू विकत घेतली. त्यानंतर तिथून तो बुलढाण्याला निघून गेला. साक्षी कल्याणमध्येच राहिली. इथपर्यंत सर्व ठिक होतं. पण जेव्हा विशालवर संशय आला तेव्हा पोलिसांनी कसून तपास केला. त्यावेळी विशालच्या घराजवळ पोलिसांना रक्ताचे डाग सापडले. त्यामुळे पोलिसांना हे कृत्य विशालनेच केल्याचं दिसून आलं. त्यानंतर पोलिसांनी साक्षीला ताब्यात घेतलं आणि तिची कसून चौकशी केली. तेव्हा तिने या खूनाची सर्व माहिती पोलिसांना दिली.
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
