पनवेल महानगरपालिका कार्यक्षेत्रात जाहिरातीकरण्यास क्युआर कोड बंधनकारक – पनवेल आयुक्त मंगेश चितळे
नवी मुंबई (प्रतिनिधी )
पनवेल -पनवेल महानगरपालिका हद्दीत पोस्टर्स, बॅनर्स, होर्डिंग, जाहिरात फलक इत्यादी लावण्यासाठी चारही प्रभागामध्ये 175 जागा निश्चित करण्यात आल्या आहेत. मा.उच्च न्यायालयाने दिलेल्या निर्देशानूसार याठिकाणी लावण्यात येणाऱ्या जाहीरातींवर क्युआर कोड छापणे बंधनकारक करण्यात आले आहे. याची सर्व संबंधितांनी नोंद घ्यावी.
पनवेल महानगरपालिका हद्दीतील संबंधितांना तात्पुरत्या स्वरुपामध्ये बॅनर, जाहिरात फलक लावणेसाठी पालिका हद्दीमध्ये प्रभागनिहाय ज्या 175 जागा निश्चित करण्यात आलेल्या आहेत. त्यासाठी https://pmc.advertisepermission.in/ या वेबसाईटवर जाऊन ऑनलाईन अर्ज सादर करुन परवानगी घेणे शक्य होणार आहे. परवानगी धारकांनी प्राप्त झालेला क्युआर कोड जाहिरातीवर छपाई करुनच नंतरच जाहिरात प्रसिध्द करावी, असे आवाहन आयुक्त मंगेश चितळे यांनी केले आहे.
तसेच पनवेल महानगरपालिका क्षेत्रातील सर्व संबंधित, सामाजिक संस्था, सार्वजनिक मंडळ, व्यापारी, व्यावसायिक, सर्व जाहिरातधारक, सर्व बॅनर प्रिटींग प्रेस इत्यादींना सुचित करण्यात येते की, पनवेल महानगरपालिका हद्दीमध्ये कोणत्याही स्वरुपाचा किंवा प्रकारचा जाहिरातीचे बॅनर लावावयाचे असल्यास, पनवेल महानगरपालिकेची रीतसर पुर्वपरवानगी घेवुन, सदरच्या बॅनरवर QR कोड छपाई करुन लावण्यात यावा.
ज्या जाहिराती विनापरवानगी व QR कोड नसल्याचे निदर्शनास आल्यास महानगरपालिका अधिनियम, शासननिर्णय व मा. उच्च न्यायालय, मुंबई यांचे आदेशानुसार कारवाई करण्यात येणार आहे. क्युआर कोड नसलेले पोस्टर्स, बॅनर्स, होर्डिंग, जाहिरात फलक हे अनधिकृत मानण्यात येऊन त्यांच्यावरती कडक कारवाई करण्याबाबत प्रभाग अधिकाऱ्यांना निर्देश देण्यात आले आहेत.
चौकट
महानगरपालिका कार्यक्षेत्रामध्ये विनापरवानगी जाहिरात, होर्डिंग्ज, फ्लेक्स, बॅनर, फलक इ. लावल्याचे आढळल्यास त्याची माहिती देणेकरीता, नागरीकांना नावानिशी किंवा निनावी तक्रार नोंदविण्याकरीता पनवेल महानगरपालिकेच्यावतीने टोल फ्री क्रमांक :- 1800-227-701,ई- मेल :- panvelcorporation@gmail.com, व्हॉट्सॲप क्रमांक व एस.एम.एस. सुविध :-9769012012, दूरध्वनीक्रमांक :-0227458040/41/42 सुविधा देण्यात आली आहे.
———–
Author: Mangesh Jadhav
मंगेश जाधव - तळवली रत्नागिरी वार्ताहर - डिजिटल मिडिया प्रतिनिधी.
