मुख्यमंत्री माझी सुंदर शाळा अभियानात पाटपन्हाळे विद्यालय गुहागर तालुक्यात प्रथम
आबलोली (संदेश कदम)
“मुख्यमंत्री माझी शाळा सुंदर शाळा ” टप्पा – दोन या अभियानांतर्गत स्पर्धेमध्ये सहभागी झालेल्या शाळांचे मूल्यांकन करण्यात आले होते. सन २०२४ – २५ या शैक्षणिक वर्षातील ” मुख्यमंत्री माझी शाळा सुंदर शाळा ” टप्पा – दोन अभियानात गुहागर तालुक्यातील न्यू इंग्लिश स्कूल व कनिष्ठ महाविद्यालय पाटपन्हाळे विद्यालयाने प्रथम क्रमांक संपादन केला आहे. मुख्यमंत्री माझी शाळा सुंदर शाळा अभियानात प्रथम क्रमांक पटकावलेल्या न्यू इंग्लिश स्कूल व कनिष्ठ महाविद्यालय विद्यालयाचे अभिनंदन होत आहे.
” मुख्यमंत्री माझी शाळा सुंदर शाळा ” टप्पा – दोन या अभियानांतर्गत मूल्यमापन झालेल्या शाळांचा निकाल नुकताच जाहीर करण्यात आला. खाजगी शाळा या विभागामध्ये सदर अभियानांतर्गत न्यू इंग्लिश स्कूल व कनिष्ठ महाविद्यालय पाटपन्हाळे विद्यालयाने गुहागर तालुकास्तरीय प्रथम क्रमांक संपादन केला आहे. जि.प. रत्नागिरी माध्यमिक शिक्षणाधिकारी , पं.स.गुहागर गटशिक्षणाधिकारी , केंद्रप्रमुख , पाटपन्हाळे एज्युकेशन सोसायटीच्या उपाध्यक्षा सुचिता वेल्हाळ , सचिव सुधाकर चव्हाण व पदाधिकारी , मुख्याध्यापक व्ही.डी.पाटील , पर्यवेक्षक जी.डी.नेरले , मुख्यमंत्री माझी शाळा सुंदर शाळा समिती अध्यक्ष एस.वाय.भिडे , सचिव सौ.एन.पी.वैद्य , प्रसिद्धी विभाग प्रमुख एस.एम.आंबेकर , तंत्र सहाय्यक डी.एस.निंभोरे , तुषार कदम ,ओंकार खैर , कल्पेश रांगळे , माहिती संकलन विभाग प्रमुख सौ.एस.एस.चव्हाण , प्रा.सौ.एम.एस.जाधव , क्रीडा समिती विभाग प्रमुख सौ.एस. एस.मोरे , रंगकला विभाग प्रमुख एस.बी.मेटकरी व विद्यार्थी , शाळा व्यवस्थापन समिती अध्यक्ष व पदाधिकारी , शिक्षक पालक संघ अध्यक्ष व पदाधिकारी तसेच शालेय स्तरीय इतर समित्या पदाधिकारी , प्राध्यापक – शिक्षकवृंद , शिक्षकेतर कर्मचारी , पालकवृंद , विद्यार्थी व हितचिंतक आदींचे सदरच्या तालुकास्तरीय सुयशासाठी सहकार्य लाभले. पाटपन्हाळे एज्युकेशन सोसायटीच्या उपाध्यक्षा सुचिता वेल्हाळ , सचिव सुधाकर चव्हाण व पदाधिकारी तसेच मुख्याध्यापक व्ही.डी.पाटील , पर्यवेक्षक जी.डी.नेरले यांनी मुख्यमंत्री माझी शाळा सुंदर शाळा या अभियानात सुयश संपादन केल्याबद्दल अभिनंदन करून सहकार्य करणाऱ्यांचे आभार मानले आहेत.
Author: Sandesh Kadam
संदेश कदम, अबलोली. रत्नागिरी वार्ताहर. डिजिटल मिडिया गूहागर तालुका समन्वयक
