मठवाडी सामाजिक विकास मंडळाच्या वतीने १८ वा सार्वजनिक माघी गणेशोत्सव व महाशिवरात्र उत्सवाचे आयोजन
✍️राजू सागवेकर/राजापूर
▪️ राजापूर तालुक्यातील मठवाडी, दळे येथे – मठवाडी सामाजिक विकास मंडळाच्या वतीने प्रतिवर्षीप्रमाणे यंदाही १८ वा सार्वजनिक माघी गणेशोत्सव भक्तिमय वातावरणात साजरा करण्यात येणार आहे. शनिवार, दि. १ फेब्रुवारी २०२५ ते शुक्रवार, दि. ७ फेब्रुवारी २०२५ या कालावधीत हा उत्सव संपन्न होणार असून, भाविकांसाठी श्रींच्या दर्शनासह विविध धार्मिक व सांस्कृतिक कार्यक्रमांचे आयोजन करण्यात आले आहे.
▪️ उत्सवाच्या निमित्ताने महाप्रसाद, भजन, कीर्तन, हळदीकुंकू, मंगळागौर आणि इतर धार्मिक कार्यक्रम होणार आहेत. याशिवाय, या उत्सवाचे खास आकर्षण म्हणजे बुधवार, दि. ५ फेब्रुवारी २०२५ रोजी रात्री ८.०० वाजता होणारा ट्वेंटी-ट्वेंटी डबलबारी भजनाचा जंगी सामना, ज्यामध्ये बुवा श्री. संदीप लोके विरुद्ध बुवा श्री. गुंडू सावंत यांच्यात भक्तिरसाची रंगतदार मैफल रंगणार आहे.
▪️ यासोबतच, बुधवार, दि. २६ फेब्रुवारी २०२५ रोजी स्वयंभू श्री सिद्धेश्वर देवस्थान येथे महाशिवरात्र उत्सव साजरा करण्यात येणार आहे. या दोन्ही उत्सवांचा लाभ घ्यावा व आपल्या सहकुटुंब, सहपरिवार, मित्रमंडळींसह सहभागी व्हावे, असे आवाहन मंडळाच्या वतीने करण्यात आले आहे.
Author: Raju Sagvekar
???? राजू सागवेकर ???? वार्ताहर (ग्रामीण ) - रत्नागिरी वार्ताहर डिजिटल बातमीपत्र ता.राजापुर - 416702
