वाशिष्ठी डेअरी चें सर्वेसर्वा श्री प्रशांत यादव यांचा ‘मराठा भूषण’ पुरस्काराने सन्मान….
♦ अखिल भारतीय मराठा महासंघ आयोजित कीर्तन महोत्सवात ‘वाशिष्ठी डेअरी’चा गौरव
चिपळूण– ( वार्ताहर) कोकणात दुग्धक्रांती घडवणाऱ्या वाशिष्ठी डेअरीचा आज अखिल भारतीय मराठा महासंघ आयोजित कीर्तन महोत्सवात गौरव करण्यात आला. यावेळी मान्यवरांच्या उपस्थितीत वाशिष्ठी डेअरीचे चेअरमन तसेच राष्ट्रवादी काँग्रेस पार्टी-शरदचंद्र पवार या पक्षाचे प्रदेश सरचिटणीस प्रशांत यादव यांना दुग्ध क्षेत्रातील उल्लेखनीय कार्याबद्दल ‘मराठा भूषण’ पुरस्काराने गौरविण्यात आले.
यावेळी शिवसेना ठाकरे गटाचे माजी खासदार व सचिव विनायक राऊत, आमदार शेखर निकम, माजी आमदार सुभाष बने, शिवव्याख्याते सुदर्शन शिंदे, मराठा महासंघाचे राष्ट्रीय अध्यक्ष दिलीप जगताप, महोत्सवाचे उद्घाटक न्यायाधीश राजेश घाणेकर, उपाध्यक्ष संतोष नानावटे, विभागीय अध्यक्ष अप्पा खैर, शिवसेना विधानसभा क्षेत्रप्रमुख बाळा कदम, माजी जिल्हाप्रमुख सचिन कदम, मराठा महासंघाचे जिल्हाध्यक्ष संदीप सावंत, शिवव्याख्याते नामदेवराव जाधव, हभप भगवान कोकरे महाराज, शिवसेना तालुकाप्रमुख विनोद झगडे, मराठा महासंघाचे तालुकाध्यक्ष प्रसाद लाड, शिवसेना शहरप्रमुख शशिकांत मोदी आदी उपस्थित होते. यावेळी मराठा महासंघाच्या वतीने इतर क्षेत्रातील अनेक मान्यवरांचा सन्मान करण्यात आला.
वाशिष्ठी डेअरी चें सर्वेसर्वा श्री प्रशांत यादव यांचा ‘मराठा भूषण’ पुरस्काराने सन्मान….
Author: Team Ratnagiri Vartahar
Official Ratnagiri vartahar Media creators & RV News YouTube Channel.
