सरकारी कार्यालयांमध्ये मुजोरीला लगाम: ID कार्ड सक्तीचे!
मुंबई – सरकारी कार्यालयांमध्ये मुजोरीला आळा घालण्यासाठी महाराष्ट्र शासनाने एक महत्त्वाचा निर्णय घेतला आहे. आता सर्व शासकीय अधिकारी आणि कर्मचाऱ्यांना आपले ओळखपत्र (ID कार्ड) दर्शनीय भागावर लावणे बंधनकारक करण्यात आले आहे.
शासन निर्णयाचा मुख्य उद्देश
राज्यातील नागरिक विविध शासकीय कार्यालयांमध्ये आपली कामे घेऊन जातात. मात्र, अनेकदा त्यांना संबंधित अधिकारी किंवा कर्मचाऱ्यांची ओळख पटवणे कठीण होते. तसेच, काही कार्यालयांमध्ये अधिकाऱ्यांची मुजोरी पाहायला मिळते, जिथे कामे रखडवली जातात किंवा नागरिकांची अवहेलना केली जाते.
हे टाळण्यासाठी सामान्य प्रशासन विभागाने 7 मे 2014 रोजी एक शासन परिपत्रक (GR) जारी केले होते, तसेच 10 ऑक्टोबर 2023 रोजी आणखी एक सुधारित जीआर काढण्यात आला आहे. या दोन्ही आदेशांनुसार, प्रत्येक शासकीय अधिकारी व कर्मचाऱ्यांनी आपल्या कार्यस्थळी ओळखपत्र लावणे बंधनकारक आहे.
GR काय सांगतो?
1. सर्व सरकारी अधिकारी आणि कर्मचारी यांना कार्यालयीन वेळेत ओळखपत्र लावणे बंधनकारक आहे.
2. नागरिकांनी अधिकाऱ्यांचे नाव व पदनाम स्पष्टपणे दिसत आहे की नाही, हे तपासावे.
3. जर कोणत्याही अधिकाऱ्याने ओळखपत्र लावले नसेल किंवा दाखवण्यास नकार दिला, तर त्याच्या वरिष्ठ अधिकाऱ्यांकडे तक्रार करण्याचा नागरिकांचा हक्क आहे.
4. शासनाने या नियमाचे पालन न करणाऱ्या अधिकाऱ्यांवर कारवाई करण्याचे आदेश दिले आहेत.
नागरिकांनी काय करावे?
सरकारी कार्यालयात गेल्यावर अधिकार्यांचे ओळखपत्र दिसते आहे का, हे तपासा.
जर ओळखपत्र नसेल, तर “तुमचे ओळखपत्र कोठे आहे?” असा प्रश्न अधिकाऱ्याला विचारा.
ओळखपत्र दाखवण्यास टाळाटाळ केल्यास, त्याच्या वरिष्ठ अधिकाऱ्यांकडे तक्रार करा.
शासन निर्णयाचा (GR) उल्लेख करून अधिकाऱ्यांना त्याच्या अंमलबजावणीची आठवण करून द्या.
सरकारी यंत्रणा नागरिकांच्या सेवेसाठी आहे!
शासनाच्या या निर्णयामुळे सरकारी कार्यालयांमध्ये पारदर्शकता आणि शिस्त निर्माण होईल. नागरिकांनी आपल्या हक्कांची जाणीव ठेवून, या नियमांचे पालन होत आहे की नाही, हे पाहणे गरजेचे आहे. सरकारी यंत्रणा जनतेच्या सेवेसाठी आहे, त्यामुळे प्रत्येकाने आपल्या हक्कांची जाणीव ठेवून योग्य ती भूमिका बजावली पाहिजे.
तुमच्या हक्कांसाठी जागरूक राहा आणि सरकारी कार्यालयात ओळखपत्र तपासायला विसरू नका!
Author: Prachi Sutar
Prachi Sutar - Ratnagiri. *Digital media creators* Office clark.PR.
