HSRP नंबर प्लेटसाठी नागरिकांची गर्दी, गैरसोयींवर शिवसेना स्टाईल दणका..
रत्नागिरी – कुवारबाव येथील रियल मेझॉन एम्बॉसिंग सेंटर येथे HSRP नंबर प्लेट बसवण्यासाठी वाहनचालकांची मोठी गर्दी होत आहे. मात्र, कमी कर्मचारीसंख्या, पिण्याच्या पाण्याचा अभाव आणि आसन व्यवस्थेची गैरसोय यामुळे वाहनचालकांना मोठ्या त्रासाला सामोरे जावे लागत होते.
नागरिकांच्या तक्रारीनंतर पालकमंत्री उदय सामंत आणि आमदार किरण सामंत यांनी तातडीने लक्ष घालून माजी नगरसेवक निमेश नायर व राहील मुजावर यांना या ठिकाणी पाठवले. त्यानंतर निमेश नायर यांनी “शिवसेना स्टाईल” दणका देत एजन्सी चालक श्री. पटेल यांना कडक शब्दांत जाब विचारला. यानंतर पटेल यांनी चूक मान्य करत दोन दिवसांत १० नवीन कर्मचारी नेमण्याचे आणि पिण्याचे पाणी तसेच आसन व्यवस्था उपलब्ध करून देण्याचे आश्वासन दिले.
सरकारने सर्व वाहनांसाठी HSRP नंबर प्लेट सक्तीची केली असून, त्यासाठी मार्च महिन्याच्या अखेरीपर्यंत अंतिम मुदत आहे. मात्र, लाखोंच्या लोकसंख्येसाठी फक्त एकाच एजन्सीला जबाबदारी दिल्याने नागरिकांना मोठ्या गैरसोयींना सामोरे जावे लागत आहे.
HSRP नंबर प्लेटसाठी नागरिकांची गर्दी, गैरसोयींवर शिवसेना स्टाईल दणका
नागरिकांची ही अडचण लक्षात घेऊन तात्काळ उपाययोजना केल्याबद्दल उपस्थित वाहनचालकांनी ना. उदय सामंत, आमदार किरण सामंत, निमेश नायर आणि राहील मुजावर यांचे आभार मानले.
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
