छत्रपती संभाजी महाराज पुरस्कार 2025: शंभूसेना संघटनेतर्फे विविध क्षेत्रांतील मान्यवरांचा गौरव
माढा (जिल्हा सोलापूर) | प्रतिनिधी
छत्रपती संभाजी महाराज यांच्या विचारांना प्रेरणा मानून कार्यरत असलेल्या शंभूसेना संघटनेच्या वतीने महाराष्ट्र राज्यस्तरीय “छत्रपती संभाजी महाराज पुरस्कार 2025” प्रदान करण्यात येणार आहे. हा पुरस्कार सामाजिक, शैक्षणिक, पत्रकारिता, धार्मिक, कृषी, सहकार, पर्यावरण, उद्योग, आरोग्य, सरकारी वैद्यकीय अधिकारी, वरिष्ठ नागरिक, महिला सक्षमीकरण, शेतकरी भूषण आणि इतर विविध क्षेत्रांतील मान्यवरांना प्रदान केला जाणार आहे.
संस्थेचे संस्थापक अध्यक्ष अतुल माने पाटील यांनी यासंदर्भात माहिती देताना सांगितले की, या पुरस्कारासाठी संपूर्ण महाराष्ट्रातून नामांकन मागविण्यात येत असून इच्छुक उमेदवार किंवा संस्था 15 एप्रिल 2025 पर्यंत प्रस्ताव पाठवू शकतात. पुरस्कार वितरण सोहळा मोठ्या दिमाखात माढा, जिल्हा सोलापूर येथे आयोजित केला जाणार आहे.
या पुरस्काराच्या माध्यमातून विविध क्षेत्रांतील गुणवंत व्यक्तींचा सन्मान करून समाजात सकारात्मक परिवर्तन घडविण्याचा शंभूसेना संघटनेचा उद्देश आहे. इच्छुकांनी निर्धारित मुदतीत अर्ज सादर करावेत, असे आवाहन संस्थेच्या वतीने करण्यात आले आहे.
(प्रतिनिधी: नंदकुमार बगाडे पाटील, आहिल्यानगर)
Author: Sujit Surve.
⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕
