पालघर तालुक्यातील सफाळे येथे शिवजयंती मोठ्या उत्साहात साजरी

पालघर तालुक्यातील सफाळे येथे शिवजयंती मोठ्या उत्साहात साजरी

नवी मुंबई (मंगेश जाधव)

सफाळे ,भावरपाडा , विराथन खुर्द येथील ओम साईदत्त सोसायटी आयोजित शिवस्वराज्य मित्र मंडळातर्फे दि.१९ फेब्रुवारी २०२५ रोजी भव्य शिवजयंती उत्सव (वर्ष दहावे) व श्री सत्यनारायणाची महापुजा आयोजित करण्यात आली होती त्या निमित्ताने उपरोक्त मंडळाच्या वतीने विविध कार्यक्रमाचे आयोजन करण्यात आले होते. दरम्यान सकाळी छ.शिवाजी महाराज मूर्ती अभिषेक व पूजा, किल्ले भवनगड येथे छ.शिवाजी महाराजांच्या मूर्तीचे पूजन, श्री सत्यनारायनाची महापुजा व विविध स्पर्धांचे आयोजन करण्यात आले होते. सदर कार्यक्रमासाठी मनसे नेते – ठाणे पालघर जिल्हाध्यक्ष – सन्माननीय श्री.अविनाश जाधव साहेब, मा.सौ.राजश्री किणी मॅडम – (सरपंच ग्रा.पं.विराथन खुर्द,)मा.श्री.सदानंद किणी साहेब (ग्रा.पं.सदस्य विराथन खुर्द) तसेच श्री.जयवंत किणी साहेब, पुंडलीक घरत साहेब आदि मान्यवरांनी आपली उपस्थिती लावली. तसेच राज्यस्तरीय कथाकथन स्पर्धा प्रथम क्रमांक विजेती कु.प्रिया मनोज परब या शालेय विद्यार्थिनीचा मान्यवरांच्या हस्ते भव्य सत्कार व सन्मान करण्यात आला. तसेच मनोरंजनाचा कार्यक्रम म्हणून श्री.दत्तकृपा प्रासादिक भजन मंडळ विरार यांनी आपले सुस्वर भजन सादर करून सर्वांना मंत्रमुग्ध केले.

तरी, सदर कार्यक्रमाच्या यशस्वीतेसाठी शिवस्वराज्य मित्र मंडळाचे सर्व पदाधिकारी / सभासद व सर्व महिला / पुरुष कार्यकर्ते यांनी अथक परिश्रम घेऊन भव्य शिवजयंती उत्सवाचा कार्यक्रम यशस्वीपणे साजरा केला.

Author: Sujit Surve.

⭕ सुजित सुर्वे -प्रतिनिधी - रत्नागिरी वार्ताहर डिजिटल बातमी पत्र ⭕ ⭕ पडवे - गुहागर. 415613 ⭕