राज्यभरात हलक्या पावसाचा अंदाज!

????️ राज्यभरात हलक्या पावसाचा अंदाज!

पुढील तीन दिवस कोकण, मध्य महाराष्ट्र, मराठवाडा आणि विदर्भात पावसाची शक्यता; विदर्भात उष्णतेच्या लाटेचा इशारा

मुंबई :
मराठवाड्याच्या उत्तर भागापासून मन्नारच्या आखातापर्यंत वाऱ्याची द्रोणिका रेषा तयार झाली आहे. त्यामुळे बंगालच्या उपसागरातून बाष्पयुक्त वारे राज्याच्या दिशेने येत आहेत. परिणामी पुढील तीन दिवस कोकण, मध्य महाराष्ट्र, मराठवाडा आणि विदर्भात तुरळक ठिकाणी हलक्या ते मध्यम पावसाचा अंदाज वर्तवण्यात आला आहे. तर विदर्भात काही ठिकाणी उष्णतेची लाटसदृश स्थिती कायम राहण्याची शक्यता हवामान विभागाने वर्तवली आहे.

रविवार आणि सोमवारी पूर्व विदर्भात मेघगर्जना आणि वादळी वाऱ्यासह पाऊस होण्याची शक्यता असून, हवामान विभागाने काही जिल्ह्यांसाठी नारंगी इशारा दिला आहे.

कुठे कोणता इशारा?

• शनिवार (पिवळा इशारा) :
  सिंधुदुर्ग, कोल्हापूर, सांगली, सातारा, सोलापूर, धाराशिव, लातूर, बीड, नांदेड, परभणी, वर्धा, गडचिरोली, चंद्रपूर, नागपूर.
• रविवार (पिवळा/नारंगी इशारा) :
  पिवळा इशारा – कोल्हापूर, सांगली, सोलापूर, धाराशिव, बीड, जालना, वाशिम, अमरावती, नागपूर, गोंदिया, भंडारा, यवतमाळ.
  नारंगी इशारा – गडचिरोली, चंद्रपूर.
• सोमवार (पिवळा/नारंगी इशारा) :
  पिवळा इशारा – वाशिम, यवतमाळ, वर्धा, नागपूर, गडचिरोली, चंद्रपूर.
  नारंगी इशारा – भंडारा, गोंदिया.

#हॅशटॅग्स :

#पावसाचा_अंदाज #हवामानविभाग #विदर्भ_उष्णता #नारंगीइशारा #कोकणपाऊस #महाराष्ट्रहवामान

Author: Team Ratnagiri Vartahar

Official Ratnagiri vartahar Media creators & RV News YouTube Channel.