उल्हास ट्रस्टतर्फे पाटपन्हाळे विद्यालयातील विद्यार्थ्यांना शिष्यवृत्ती धनादेश वितरित..!
उल्हास ट्रस्टचा सामाजिक व शैक्षणिक उपक्रम..!
आबलोली (संदेश कदम)…
उल्हास ट्रस्टतर्फे होतकरू , हुशार , अनेक स्पर्धा व कार्यक्रम – उपक्रमांमध्ये सहभागी असणारे विद्यार्थी तसेच आर्थिक परिस्थिती बेताची असणारे विद्यार्थी अशा निकषांनुसार विद्यार्थ्यांची निवड करून त्या विद्यार्थ्यांना एक हजार रुपये शिष्यवृत्ती दिली जाते. उल्हास ट्रस्टतर्फे गुहागर तालुक्यातील न्यू इंग्लिश स्कूल व कनिष्ठ महाविद्यालय पाटपन्हाळे विद्यालयातील हुशार , अनेक स्पर्धा परीक्षांमध्ये सहभागी असणारे तसेच विविध शालेय कार्यक्रम – उपक्रमांमध्ये सहभागी असणाऱ्या नववी व दहावीमधील दहा विद्यार्थ्यांना एक हजार रुपयांचा शिष्यवृत्ती धनादेश तसेच शैक्षणिक वस्तू वितरित सामाजिक व शैक्षणिक उपक्रम राबविण्यात आला.
उल्हास ट्रस्टतर्फे प्रदान होणाऱ्या शिष्यवृत्ती वितरण कार्यक्रमासाठी उल्हास ट्रस्टचे प्रफुल्ल चव्हाण , वेदिका चव्हाण , स्नेहा काटकर , पाटपन्हाळे एज्युकेशन सोसायटीचे सचिव सुधाकर चव्हाण , मुख्याध्यापक व्ही.डी.पाटील व शिक्षकवृंद उपस्थित होते. मानसी संदीप पालकर , मृण्मयी दत्ताराम जाधव , प्रज्ञा प्रमोद पवार , रचना रमेश खांबे , सई लक्ष्मण बारे – इयत्ता नववी तसेच श्रेयशा सहदेव नरळे , श्रेया अजय पावसकर , रिया मंगेश धामणस्कर , आदित्य विलास मते , रोशन दिलीप मते या विद्यार्थ्यांना मान्यवरांच्या हस्ते एक हजार रुपयांचा धनादेश व शैक्षणिक वस्तू प्रदान करण्यात आली.उल्हास ट्रस्टचे प्रफुल्ल चव्हाण यांनी पाटपन्हाळे विद्यालयातील शिष्यवृत्तीधारक विद्यार्थ्यांचे अभिनंदन करून शिष्यवृत्ती प्रदान करण्याचा हेतू सांगितला . उल्हास ट्रस्टचे पाटपन्हाळे विद्यालयाला सहकार्य लाभल्याबद्दल व सदर ट्रस्टचा सामाजिक तसेच शैक्षणिक उपक्रम राबविल्यामुळे पाटपन्हाळे एज्युकेशन सोसायटीचे सचिव सुधाकर चव्हाण , मुख्याध्यापक व्ही.डी.पाटील यांनी धन्यवाद मानले .
Author: Sandesh Kadam
संदेश कदम, अबलोली. रत्नागिरी वार्ताहर. डिजिटल मिडिया गूहागर तालुका समन्वयक
